"Nyu-York Siti" "Toronto" qarama-qarshiligi

Ushbu turda musobaqa jadvalini boshqarib borayotgan sovrinli o'rinlar uchun kurashayotgan jamoalar o'zaro bahs olib boradi. "Toronto" g'alaba orqali, "Di Si Yunayted"ni quvib etishi mumkin bo'lsa, nyu-yorkliklar 1-o'rinni mustahkamlab olish imkoniyatiga egalar.

Etakchi va autsayder jangi

Sharqiy mintaqada so'nggi pog'onalardan birini band etib turgan "Xyuston Dinamo" 3-o'rindagi "Minnesota" bilan o'ynaydi. Mezbonlarga ayni paytda uch ochko suv va havodek zarur va ular qiyin vaziyatdan chiqib ketish uchun bor kuchlarini safarbar etishadi. "Minnesota" esa chempionlikka davogarlik qilmoqda.

"Kolorado" "Los Anjeles Gelaksi"ga qarshi

Dunyoning mashhur forvardlaridan biri jahongashta Zlatan Ibragimovich jamoasi bu turda "Kolorado" mehmoni bo'ladi. "La Gelaksi" kuchli uchlikka kirish imkoniyatini saqlab turibdi. Mezbonlar esa quyi zonadan uzoqlashib olish uchun kurashishmoqda. Ibra faoliyati davomida ko'plab kuchli kiperlarni ranjitgan. Ko'ramiz, u Tim Xovard darvozasiga yo'l topa olarmikin.

Sovrinli o'rinlar uchun kurash

Turnir jadvalida 43 ochko jamg'argan holda, 6-pog'onani egallab turgan "Real Solt-Leyk" o'z maydonida "San-Xose"ni qabul qiladi. Mehmonlarning ochkolari soni 44 ta va ular 4-o'rinda. Ko'rinib turibdiki, ikkala jamoa ham faqat g'alaba ilinjida maydonga tushishadi. Muhlis-u mutahassislar tomonidan turning bezagiga aylanadigan bahs bo'lishi taxmin qilinmoqda.

Xondamir Hakimov tayyorladi

MLS 36-tur prevyusi. Zlatan jamoasi Koloradoda mehmon