Autsayder yana engildi

Turnir jadvalida so'nggi pog'onani egallab turgan "Cincinnati" o'z uyida etakchi o'rinlarda borayotgan "Atlanta"ga 0:2 hisobida yutqazib qo'ydi. O'yin taqdirini "Atlanta" to'purari Xosef Martines tomonidan kiritilgan gollar hal qilib berdi. Mezbonlar o'tgan turda "Monreal"ni mag'lubiyatga uchratib, muhlislariga quvonch bahsh etishgandi.

Nursiz durang

"Sietl Saunders" va "Dallas" o'rtasidagi bahsda hisob ochilmadi. Ikkala jamoaga ham 3 ochko suv va havodek zarur bo'lgan o'yinda murosa ko'chasi tanlandi. Har ikki tomon ham gol urish uchun bir qator imkoniyatlarga ega bo'lishdi. Biroq, vaziyatlardan samara chiqarishda futbolchilarga aniqlik etishmadi. Xullas, jamoalar muhim ochkolarni yo'qotishdi.

Nihoyat "buqalar" ham g'alaba qozonishdi

Nyu-York shahri jamoasi qatorasiga uchta o'yinda mag'lubiyat alamini totib ko'rdi. Bu safar, ular muhlislarini xushnud etishdi. Mehmonda, "Portlend Timbers"ni ishonchli hisob bilan mag'lub etishdi - 0:2. O'yin boshida, Dunkan va asosiy vaqtga qo'shib berilgan daqiqalarda Royerning penaltidan kiritgan to'plari 3 ochkoni taminladi.

Xondamir Hakimov tayyorladi

MLS. 38-tur yakuni haqida batafsil