Coca Cola Superligasi bilan bir qatorda qardosh mamlakatlarda ham chempionat o'yinlari start oldi. Faqatgina Turkmanistonda 1-tur bahslari endi start olishini aytmaganda, qolganlari chempionatni boshlab yuborishdi. Keling, quyida chempionatlar hamda u erda to'p tepayotgan o'zbekistonlik futbolchilar haqida mulohaza yuritamiz.

Qozog'iston chempionati

O'zbekistonlik futbolchilar

"Tobol" - Igor Sergeev
"Ordabasi" - Bobir Abdixoliqov
"Ordabasi" - Shahboz Umarov

Chempionatimiz bilan darajasi o'xshash bo'lgan Qozog'istonda ham aynan 5-tur bahslari yakunlandi. Igol Sergeev to'p tepadigan "Tobol" o'z maydonida "Astana"ga imkoniyatni boy berib qo'ygan bo'lsa, nomi yuqorida takidlangan qolgan ikki futbolchimiz o'ynaydigan "Ordabasi" "Aqtobe" bilan murosa ko'chasini tanladi.

Ortda qolgan 5 turdan so'ng "Qiziljar" klubi 100 foizlik natija qayd etgan holda turnir jadvalida peshqadamlik qilmoqda. Biz uchun ko'proq qiziq bo'lgan "Ordabasi" va "Tobol" 4 va 5-o'rinlarda qo'shni bo'lib turishibdi. To'purarlar bahsida esa "Aqtobe" yarim himoyachisi Maksim Samorodov 4 ta gol bilan peshqadamlik qilmoqda.

Qirg'iziston chempionati

O'zbekistonlik futbolchilar
Alay - Islom Abdullaev
Alay - Javohir Sohibov
Alay - Abdulaziz Yusupov
Dordoy - Kemran Najafaliev
Qora Bolta - Muhriddin Ahmedov
Neftchi Qo'chqor Ota - Azamat Ahmedov
Neftchi Qo'chqor Ota - Muhammadali Tursunov
Neftchi Qo'chqor Ota - Dostonjon Rashidov
Neftchi Qo'chqor Ota - Otabek Haydarov
Neftchi Qo'chqor Ota - Javohir Rasulov
Talant - Muhammadqodir Rahimberganov
Oshmu Aldier - Abdulbori Vositjonov
Oshmu Aldier - Akrom Xodjaev
Oshmu Aldier - Maradona Safarov
Oshmu Aldier - Po'latjon Sharipov
Oshmu Aldier - Muhammadali Ashurov
Oshmu Aldier - Aburahmon Abdulhaqov
Oshmu Aldier - Elnur Turg'unov
Oshmu Aldier - Akmaljon Yuldashev

Qozog'iston chempionatidan farqli o'laroq, Qirg'izistonda ancha-muncha vatandoshlarimiz to'p tepadi. Premer-ligasida 10 ta jamoa ishtirok etadigan chempionatdagi klublarning yarimidan ko'pida o'zbekistonlik futbolchilarni uchratish mumkin. Sharqiy qo'shnilarimizda hozircha 2-tur bahslari ortda qoldi.

Turnir jadvalida 6 ochko bilan "Neftchi" peshqadamlik qilmoqda. Ular bilan bir xil ochko jamg'argan "Alay" esa ikkinchi pog'onani band etgan. Kuchli uchlikka "Abdish-Ata" yakun yasagan. To'purarlar ro'yxatida "Alga" o'yinchilari Abay Bokoleev va Anton Zemlyanuxin, shuningdek, "Abdish-Ata" azosi Ilya Kojuxar va "Neftchi" futbolchisi Akramjon Umarov 2 tadan gol urib, etakchilik uchun kurashmoqda.

Tojikiston chempionati

O'zbekistonlik futbolchilar
Xo'jand - Xushnudbek Bozorov
Xatlon - Rustam Qo'chqorov
Fayzkand - Zufardjon Akbaraliev
Esxata - Olimdjon Karimov
Esxata - Sanjar Rixsiboev
Xosilot - Temur Mamatmurodov
Kuktosh - Temur Masharipov
Kuktosh - Muxiddin Odilov
Kuktosh bosh murabbiyi - Abdujabbor Marufaliev

Tojikistonda ham o'zbekistonlik futbolchilarning ancha-munchasini uchratish mumkin. Ehtimol, bizning ro'yxatga kirmay qolgan yurtdoshlarimiz ham bo'lishi mumkin. Tojikistonda ham ikkinchi tur bahslari o'tkazildi va quyidagi natijalar qayd etildi:

6 aprel (payshanba)
7. Kuktosh – Xosilot – 0:3
9. Xatlon – Esxata – 0:2
7 aprel (juma)
6. Istiklol – Fayzkand – 2:1
8. CSKA – Ravshan – 0:0
10. Xo'jand – Regar-TadAZ – 2:2

Turnir jadvalida doimgidek "Istiqlol" karvonboshilik qilmoqda. "Esxata" esa dushanbeliklarni taqib qilishga urinib ko'radi.

Turkmaniston chempionati

Turkmaniston chempionatining yangi mavsumiga 14 aprel kuni start beriladi. Yuqori ligada 9 ta klub ishtirok etadi. Quraga ko'ra, ilk turda quyidagi jamoalar kuch sinashadi:

“Kopetdag” – “Shagadam”
“Altin Asir” – “Nebitchi”
“Marv” – “Ashxabad”
“Axal” – “Energetik”
Dam oladi - “Arkadag'”

MOMCH-2023. Qo'shni mamlakatlar chempionatlari va u erdagi o'zbekistonliklar