- Авваламбор ғалаба муборак бўлсин! Бугунги ўйин ҳақида фикрларингиз...
- Бугун қийин учрашув ўтказдик. “Истиқлол” жамоасига қарши кечадиган учрашув осон бўлмаслигини билардик. Шу сабали мураббийларимиз бизни ушбу ўйинга жиддий тайёрлашди. Бугун бизга фақат ғалаба зарур эди, бутун учрашув давомида астойдил ҳаракат қилиб ғалаба қозонишни уддаладик. Жамоамизнинг мақсади – Суперлига, навбатдаги учрашувларда очко йўқотмасликка ҳаракат қиламиз.

- Пенальтини амалга оширганингизда дастлабки зарбани дарвозабон қайтарди. Бу холатда сизда қандай ҳиссиётлар бўлди? Гол кирита олмай қолишинингиз ҳам мумкин эди...
- Буни тушунтириб бериш қийин, масъулиятни зиммамга олган холда такрорий зарбани бердим, омадим келиб гол бўлди. Буларнинг ҳаммаси худодан, шукрки юзим ёруғ бўлди.

- “Ростов” ва Ўзбекистон МТЖ ҳужумчиси Элдор Шомуродов ҳақида фикрларингиз...
- Элдор Шомуродовга “Машъал”нинг барча футболчилари ҳавас кўзи билан қарашади, шу жумладан ўзим ҳам Шомуродов каби футболчи бўлишни истайман. Элдор Шомуродов “Машъал” академияси тарбияланувчиси ҳисобланади. Шомуродов ўйнаган куни бутун жмоамиз билан унги мухлислик қиламиз.

Бекзод Толибов ёзиб олди.
“Машъал” матбуот хизмати билан хамкорликда тайёрланди.

Мўмин Мелиев: “Шукрки юзим ёруғ бўлди”