Футбол ва спорт жамоатчилигига яхши таниш, аммо ОАВдан четда юрадиган ва ўқувчиларга нотаниш киши ҳақида мана бугун хабар берсак бўлади.

2013 йил Мираброр Зуфарович МОҚ раиси этиб тайинлангач, иккиланмай у ерга бош котиб этиб, ҳали 33 ёшни ҳам қарши олмаган, унга қадар Тошкент шаҳар футбол федерациясида Вице президент лавозимида ишлаб келаётган Ойбек Касимовни тайинлади. Бу ёшда, бундай катта даргоҳга бош котиб бўлиш учун кишида жуда катта истеъдод ва салоҳият бўлиши лозим. Усмонов мана шу икки хислатни Касимовда кўра олди ва Риода бўлиб ўтган олимпиада ўйинларида қайд этилган натижадан келиб чиқсак, 2013 йилги қарор тўғри бўлганини кўрасиз.

Тўрт йилликнинг муҳим мусобақасида, жуда кўплаб ватандошларимизни кўзига ёш олишига сабаб бўлган қатор олтинларни қўлга киритишимизда, бугунги кун "айбдори"нинг ҳам хиссаси катта. Делегация раҳбари сифатида Ўзбекистонга рекорд даражадаги, 4та олтин медал билан қайтган Ойбек Касимов учун август ойи футбол тилида айтганда "хет трик" билан тугади. Риодаги муваффақият, юртбошимиз томонидан берилган "Дўстлик" ордени ва бугунги айём!

Спортимиз мана шундай мутахассислар қўл остида янада кўплаб ютуқларга эришишини тилаймиз ва сайтимиз ҳамда унинг ўқувчилари номидан Ойбек Касимовга узоқ умр тилаймиз!

Нодирхўжа Юлдашев.

МОҚ бош котиби, Ойбек Касимовни табриклаймиз!