"Atletiko" hujumchisi Alvaro Morata uchinchi marta "Yuventus"ga o'tishi mumkin. Bu haqda "La Gazetta dello Sport" xabar bermoqda.

Agar hujumchilar Moyze Kin va Arkadiush Milik jamoani tark etsa, "byankoneri" ispaniyalik futbolchi bilan shartnoma imzolashga harakat qiladi. Ammo bu holatda ko'p narsa turinliklar ushbu transferlar uchun qancha olishlari va "matraschilar" qanday shartlar qo'yishiga ham bog'liq bo'ladi.

31 yoshli forvard joriy mavsum barcha turnirlarda 41 ta o'yin o'tkazib, 20 ta gol urdi va 3 ta golga assistentlik qildi. U bungacha ikki marta "Yuventus"da o'ynagan.

Morata uchinchi bor "Yuventus"ga o'tishi mumkin