"Agar siz aytmasangiz, men hatto O'runovning "Spartak"da ekanligini va klubga tegishli ekanligini eslamasdim ham. Mantiqan qarasangiz, Oston maydon markazidagi o'yinchi, jamoadagi markaz esa o'yinchilar bilan to'la. Shu sababdan, menimcha, u uchun yana qandaydir variantlar izlashadi".

Sobiq yarim himoyachining so'zlariga ko'ra, unga "Spartak" murabbiylari va rahbariyatini tushunish qiyin.

"Bizda Bakaev kerakmas bo'lib qoldi. Tilni 20 millionga sotib olishdi, u ham kerak bo'lmay qoldi. Ostonni olishganida, bizga kerak deb baqirishdi. Ha, u qaytdi. Ammo, O'runov qaerda va kimning o'rnida o'ynaydi? Ammo, barchasi uning qo'lida. Marhamat qilib, isbotla. Balki, murabbiy uni hozir payqab qolar. Ammo, yana aytaman, barchasi murabbiyga emas, klubdagi insonlarga bog'liq. Ular O'runov bizga kerakmas deyishlari mumkin", - deydi u.

Mostovoy shuningdek 21 yoshli o'zbekistonlik futbolchining "Torpedo" yoki "Ximki"ga ehtimoliy ijarasi haqida gapirdi.

"Katta ehtimol bilan, shunday variant. "Torpedo" Rossiya Premer-ligasida o'zining o'rnini egallash uchun chiqdi. "Ximki" esa amallab ligada qoldi, shu sabab ularga o'yinchilar kerak. Voqealar rivoji shunday ko'rinish olishini istisno etmayman", - deydi sobiq yarim himoyachi.

O'runov o'tgan mavsum barcha musobaqalarda 17ta o'yinda maydonga tushdi. Xavbekning Moskva klubi bilan shartnomasi 2025 yilning 30 iyuniga qadar mo'ljallangan.

Mostovoy O'runovning "Spartak"dagi kelajagi haqida gapirdi