- Қайси клубни яхши кўрасиз?
- Ўз шаҳримдаги "Витория Сетубал"ни. Уларда бўлаётган ишларга доимо қайғураман. Ундан ташқари, клубдаги барчани қаттиқ ҳурмат қиламан. Агарда икки собиқ жамоам қарама-қарши ўйнайдиган бўлса, мухлислари, раҳбарияти билан қайси бирига кўпроқ боғланиб қолган бўлсам, ўша жамоага мухлислик қиламан.

Мен бир жамоада кўп ишлаган мутахассис эмасман. Агарда "Реал" мен учун аҳамият касб этмайдиган жамоага қарши ўйнаса, албатта "Реал"га мухлисман.

- "Реал" "Челси"га қарши ўйнасачи?
- Ўз дўстларим йўлидан бораман. Қаерда кўпроқ вақтимни ўтказганман? Президент ўша-ўшами? Хўжайинлар ўша-ўшами? Мен билан ишлаган футболчиларми? Умуман олганда барчадан миннатдорман. У ерда ўз ишим билан барчасини тўлаб бўлганман.

Кўп ютамизми, кам ютамизми, ғалаба йўқми, мен ҳар бир ишлаган жойимда боримни бераман. Клубдан кетаётганимда ҳам у ердагиларга доимо илиқ сўзлар айтаман. Доимо позитивликка интиламан. "Интер"! "Интер" билан барчасини ютдим. У ер билан мени доимо боғланиб турган жойимиз бор.

Агарда бир кун келиб, Италияда ишлаш керак бўлса, "Интер"нинг асосий рақобатчиси таклиф билан чиқса, икки марта ўйлаб ўтирмайман. Профессионалман. Ўз ишимга сидқидилдан ёндашаман. Ўз ишимни яхши кўраман.

Моуриньо: "Интер"нинг рақобатчиси менга таклиф билан чиқса, ўйлаб ўтирмайман"