Биз эса ўз одатимизга кўра тур лауреатларини эълон қиламиз.

"Championat.asia" сайти талқинига кўра 15-турнинг энг яхши дарвозабони — Азизхон Исақов ("Қўқон-1912")

"Қўқон-1912" жамоаси бу турда Муборакда "Машъал" меҳмони бўлди. Қизиқарли ва курашларгай бой ўтган ўйинда Баҳром Ҳайдаров шогирдлари 1:0 ҳисобида ғалаба қозонди. Мазкур беллашувда "шунқорлар" посбони Азизхон Исақов ўз дарвозаси даҳлсизлигини сақлаб қола олди. Унинг саъй-ҳаракатлари билан ушбу турда жамоаси дарвозасидан гол ўтказмади.

"Championat.asia" сайти талқинига кўра 15-турнинг энг яхши футболчиси — Егор Кондратюк ("Қўқон-1912")

Егор Кондратюк ёзги трансферлар вақтида "Қўқон-1912" таркибига келиб қўшилди. Футболчи эса Муборакда ўйин қаҳрамонига айланди ва жамоасининг ғалаба голига муаллифлик қилди. Унинг "Машъал" дарвозасига урган голи "шунқорлар"га узоқ кутилган ва муҳим 3 очкони келтирди.

"Championat.asia" сайти талқинига кўра 15-турнинг энг яхши мураббийи — Баҳром Ҳайдаров ("Қўқон-1912")

Қўқон-1912" жамоасида бир муддат ғалабасиз серия ҳукмронлик қилган эди. 15-турга келиб жамоа муваффақиятсизликлар занжирини уза олди ва сафарда "Машъал"дан 3 очко олишга эришди. Бунда Баҳром Ҳайдаровнинг ўрни катта ва шу сабабли "шунқорлар" устози Про лига 14-турнинг энг яхши мураббийи деб тан олинди.

Муборакдаги ўйин қаҳрамони, "Қўқон-1912" дарвозабони ва мураббийи - Про лига 15-тур лауреатлари