Ushbu hakam O'zbekistonning turli yoshdagi terma jamoalari, klublari ishtirokidagi o'yinlarda faoliyat yuritgan.

2011 yilgi U-19 Osiyo Chempionati saralashi doirasidagi Pokistonga qarshi o'yinda vakillarimiz 3:0 hisobida zafar quchishgan. O'sha bahsda aynan Abdulloh Hassan ishlagan.

2014 yil Myanmada o'tgan Osiyo Chempionati yarim finalida Ravshan Haydarov boshchiligidagi O'zbekiston yoshlar terma jamoasi KXDR bilan to'qnash kelgan. BAAlik hakam boshqargan o'sha o'yinda jamoamiz 0:5 hisobida mag'lub bo'lgandi.

2015 yil Avstraliyada o'tgan Osiyo Kubogi guruh bosqichidan o'rin olgan O'zbekiston - Xitoy bahsida vakillarimiz 1:2 hisobida yutqazib qo'yishgandi.

JCH-2018 saralashi doirasidagi Suriya - O'zbekiston (0:1) va O'zbekiston - Bahrayn (1:0) uchrashuvlarida ham shu hakam ishlagan.

Abdulloh Hassan "Bunyodkor" klubi ishtirokidagi o'yinda ham ishlagan. 2013 yilgi Osiyo chempionlar ligasi guruh bosqichida "qaldirg'ochlar" Toshkentda Yaponiyaning "Sanfrechche Xirosima" klubini qabul qilishgan va 0:0 hisobida durang o'ynashgan.

Bundan tashqari bu hakam 2017 yil O'zbekiston Kubogi finalini boshqargandi. "Bunyodkor" va "Lokomotiv" o'rtasida kechgan uchrashuvda Marat Bikmaevning goli "temiryo'lchilar"ga g'alaba keltirgan edi - 1:0.

Yaponiya - O'zbekiston
Bosh hakam: Muhammad Abdulla Muhammad (BAA)
Qanot hakamlari: Muhammad Al Hammadi va Hasan Al Mahri (ikkisi BAA)
Darvoza ortidagi hakamlar: Ammar Al Junaybi (BAA) va Ali Saboh Al Qaysi (Iroq)
Zaxira hakami: Xup Veyming (Xitoy)

Muhammad Abdulloh Hassan O'zbekistonning qaysi o'yinlarida ishlagan?