Shundan so'ng futbolchining fikrlariga quloq tutdik.

"Metallurg"da zaxirada qolib ketayotgandim. Murabbiylar nimagadir menga ishonch bildirishmayotgandi. Men esa ko'proq o'yin amaliyotiga ega bo'lish maqsadida boshqa jamoada o'zimni sinab ko'rmoqchi edim. "Metallurg" bilan do'stona xayrlashdik.
O'zbekiston Superligasining bir qator jamoalaridan taklif bo'ldi. Lekin shaxsan o'zim legioner sifatida o'ynash va kuchimni Osiyo Chempionlar Ligasida sinab ko'rishni istadim, chunki “Istiqlol”dan allaqachon taklif olgandim. O'ylab o'tirmasdan shu taklifni qabul qildim va jamoa safiga borib qo'shildim.
Jamoada meni yaxshi kutib olishdi. Tojikistonning boshqa klublaridagi sharoitlarni bilmadim-ku, ammo kelib qo'shilgan jamoamda barchasi to'laqonli qoniqtirdi. Aslida “Istiqlol” o'tgan yili ham taklif bilan chiqqan edi, o'shanda "Metallurg"da qolishni istagandim.
Osiyo Chempionlar Ligasida munosib ishtirok etishni istayapmiz. Deylik, guruhdan keyingi bosqichga chiqishni rejalashtirmoqdamiz. Guruhimizda "Al Hilol" bilan qiyin o'yinlar bo'ladi. Lekin biz barchasiga tayyormiz, o'tgan yili "Istiqlol" ushbu jamoani mag'lubiyatga uchratgandi. “Al Rayyan” bilan ham jiddiy o'yin kechadi. Negaki, ularda ham yaxshi futbolchilar bor”, – deya so'zini yakunladi Isaev.

Muhammad Isaev: "Legioner sifatida o'ynash istagim bor edi"