“Бугун ажойиб ўйин ўтказдик. Ироқ терма жамоасини ҳурмат қиламиз. Рақибнинг ҳам мураббийи, ҳам жамоаси жуда кучли. Уларнинг таркибида 2 нафар жароҳат олган футболчи бор эди. Бу ўйинга таъсир қилди. Бундан ташқари Ироқ дарвозабони жароҳат олгани ҳам таъсир кўрсатди. Биз ўйиндан ўйинга кучайиб бораверамиз. Жаҳон чемпионатига чиқишни истаймиз. Бугунги муҳит менга ёқди, мухлислар ташрифи ҳам ёқимли. Ажойиб чемпионат билан Ўзбекистонни табриклайман”, - дейди Эрон устози.

- Жамоаингиз неча фоиз кучини кўрсатди деб ўйлайсиз?
-Тўғриси неча фоизга ўйнаганимизни билмайман. 50 ёки 70 фоизга дейишим мумкин, лекин баъзи жиҳатларда бундан яхшироқ, баъзида ёмонроқ ўйнадик. Мақсадимиз мундиалага чиқиш, қанча фоизга ўйнашнинг фарқи йўқ.

- Кеча Япония 11та гол урганди, бугун Эрон 13та гол урди. Бу дегани Эрон чемпионлик учун Япониядан ҳам фаворитроқми?
- Йўқ. Бу гапга қўшилмайман. Сабаби рақиблар бошқа бошқа эди. Биринчи турда Япония битта гол урганди. Шу боис ким нечта гол уришининг фарқи йўқ.

- Чорак финалда 3та жамоадан бирига ўйнайсизлар. Қирғизистон, Саудия Арабистони ёки Ливан. Қайси бири кучсизроқ?
- Бу мусобақада барча жамоалар кучли ва профессионал жамоалар. Лекин биз чемпион бўлмоқчимиз шу боис рақиб танламаймиз.

Муҳаммад Назем: "Чемпион бўлмоқчимиз, шу боис исталган жамоага қарши ўйнашга тайёрмиз"