Misr Futbol Associaciyasi bu haqida rasman malum qildi. Xusam Xasan Xuseyn Misr terma jamoasining yangi bosh murabbiyi etib tayinlandi.
Xusam Xuseyn futbolchi sifatida Misr termasi safida 176 o'yinda maydonga tushgan va 68 ta gol urishga erishgan. Milliy terma jamoa safidagi oxirgi o'yinini 2006 yil 7 fevral kuni Senegalga qarshi o'tkazgan (2:1).
Afrika futboli tarixidagi eng sovrindor sportchilardan biri bo'lgan Xusam Xasan Afrika qitasining XX asrdagi eng yaxshi futbolchilari TOP-10ga kiritilgan.
Eslatib o'tamiz, hozirda davom etayotgan Afrika Millatlar Kubogida Misr omadsizlikka uchradi va 1/8 finaldayoq Kongo Demokratik Respublikasiga penaltilar seriyasida imkoniyatni boy berib musobaqani tark etgandi. Natijada, o'zi yaqinda Misrda ish boshlagan Rui Vitoriyaga chiqish eshiklari ko'rsatilgandi.
Izohlar