"Жаҳон чемпионатига яхши тайёргарлик кўрдик. Бунинг учун бизга етарлича шароитлар ва имкониятларни яратиб берган ЎФФга миннатдорчилик билдирамиз. Кўнглимиз тўлган. Европадаги назорат ўйинлари орқали ҳаммамиз етакчи тайёргарликка эга бўлдик. Футболчиларда кайфият аъло даражада. Насиб бўлса юртимизни, ота-онамизни, яқинларимизни, мухлисларимиз ва Ўзбекистонни олдида ёруғ юз билан қайтиш учун бор имкониятимизни кўрсатамиз. Ўзбекистон футболи тарихига янги сахифа очмоқчимиз. Финалда ўйнашни истаймиз. Кейинги ҳаётимизга мана шу чемпионат орқали замин яратмоқчимиз", - дейди Одилбек Ҳамробеков.

- Бунинг учун имкониятимиз етади деб ўйлайсизми?

Нима учун етмас экан. Биз ўзимизга ишонамиз. Улардан ҳеч қандай кам жойимиз йўқ. Биз ҳам худди улардан футбол ўйнай оламиз. Инсон уддалаган ишни , инсон уддалай олади. Қўрққанимиз йўқ. Мана биз ҳам Осиё чемпионатида сўнгги ўйиндан ташқари барчасида ишончи ўйин кўрсатдик деб ўйлайман.

- Биринчи ўйин Гондурасга қарши бўлади. Бу жамоа билан ўсмирлар термамиз ҳам тўқнаш келган. Германия Европа чемпионларидир. Гуруҳдаги вазият борасида фикрингиз қандай?

Ҳар бир ўйинга алоҳида тайёргарлик ва тактикада майдонга чиқамиз. Ҳар бир рақибни имкониятларини ўрганиб чиқдик. Германияни футболчиларига ҳақида маълумотларни кўрдик. Майдон текис, тўп юмолоқ. 90 дақиқа майдонда курашамиз ва юқорида айтганимдек инсон уддалаганини , инсон уддлай олади. Олдинда кучли ўйинлар кутиб турибди. Ички чемпионатда 100 фоиз тайёргарлик кўраётган бўлсак, Ўзбекистон номида майдонга тушаётган ўйинда 200 фоиз куч билан чиқамиз.

Мундиал олдидан. Одил Ҳамробеков: "Футболимиз тарихида янги саҳифа очмоқчимиз"