- Avvalambor bugungi g'alaba bilan muxlislarimizni tabriklayman. Ular bugun bizni yaxshi qo'llab-quvvatlashdi. O'yinga keladigan bo'lsak, yigitlar biroz og'irroq xarakat qilishdi. Aslida uchrashuvga tayyorgarlik yaxshi bo'lgandi. Lekin negadir chetdan ko'rganda og'irroq xarakat qilishgandek tuyuldi. Shunga qaramay bugun g'alabaga erishdik. O'yinga tayyorlanish jarayonida har bir chiziq bo'yicha maxsus hozirlik ko'rilgandi. Afsuski o'ylagan ishimiz amalga oshmadi. So'nggi vaziyatlarda tushunmovchiliklar bo'ldi. Shuning uchun ham o'yinimiz qovushmadi shekilli.

- “Metallurg” yaxshi jamoa. Etakchilarga jiddiy qarshilik ko'rsatib kelganini yaxshi bilamiz. To'pni o'zida nazorat qilish va qarshi xujumlarni samarali yakunlash borasida yaxshi shakllangan. Bu jamoani o'rganish jarayonida, aynan shu xolatlar bo'yicha maxsus tayyorgarlik ko'rilgandi.
- Garchi bugun o'zimizni o'yinimiz unchalik chiqmagan bo'lsada, lekin nazarimda raqib jamoaning kuchli tomonlarini yopishga imkon topdik. Darvozamizga kiritilgan goldan tashqari, qolgan vaziyatlarda nozik tomonlarini yopdik deb o'ylayman.

- Gol urish borasida oqsayapmiz. Etibor bersangiz o'z darvozamizdan gol o'tkazib yuborish borasida etakchi jamoalar qatoridamiz. Lekin raqib darvozasiga gol urish borasida ishlarimiz yaxshi emas. Demoqchimanki, himoyada o'ynashni o'zlashtirib oldik. Endi hujumlarni gol bilan yakunlash ustida jiddiy ishlaymiz. Bugun ham gol urish uchun imkoniyatlar ko'p bo'ldi.

- Hali ko'p ishlashimiz kerak. Kamchiliklar bisyor. Texnika va taktika borasida. Qolaversa jismoniy tayyorgarlik borasida ham ishlanilishi kerak. Kurashchan va yakdil jamoani shakllantirish uchun ozgina vaqt kerak bo'ladi. Afsuski hozir futbolda natija birinchi o'ringa chiqmoqda. Murabbiyning taqdirini ham natija hal qilmoqda. O'yin bo'lgani bilan natija bo'lmasa murabbiyga qiyin bo'lmoqda. O'ylaymanki biz hozir to'g'ri yo'ldan ketmoqdamiz. Agarda turli extiroslarga berilmasdan o'z yo'nalishimni yo'qotmasdan ishlasam, ishonamanki "Neftchi" kurashchan jamoaga aylanadi, - deydi Murod Ismoilov.

Murod Ismoilov: “Gol urishda oqsayapmiz”