Taniqli mutaxassisga murojaat qilib, olimpiya terma jamoamizning Osiyo chempionatidagi ishtiroki haqida so'radik.

- Albatta olimpiya terma jamoamizning Osiyo chempionatidagi ishtirokini kuzatib bormoqdaman. Afsuski biz kutgan natija ro'y bermadi. Barchamiz olimpiada yo'llanmasini qo'lga kiritish tarafdori edik. Lekin tajriba etishmasligi pand berdi. Raqiblarimiz ham anoyilardan emasdi. Ularda ham futbol yildan-yilga rivojlanib bormoqda. Buni o'yinlar orqali ko'rdik.

- Nazarimda yoshlarimizda jamoaviy o'yin yaxshi shakllanmaganligi bilinib qoldi. Futbol bu jamoaviy o'yin. Kurash yoki boks kabi unda bitta shaxsga bog'liq bo'lmaydi. Hamma yigitlar xarakat qilishi kerak edi. Ammo o'yinchilar oxirigacha yuqori saviyada o'ynay olmadi.

- Janubiy Koreyaga qarshi bahsning ikkinchi bo'limida yigitlar 30 daqiqa juda yaxshi xarakat qilganini alohida etirof etish kerak. Biroq qolgan vaqtlarda faollik kuzatilmadi. Iroq bilan uchrashuvda esa dastlabki 25 daqiqa yaxshi o'ynab turishgandi. Keyinchalik esa ularning shashti pasayib ketti.

- Olimpiada yo'llanmasi uchun kurashilyaptimi, demak tayyorgarlik ham shunga yarasha jiddiy bo'lishi kerak edi. Futbolchilarni ertaroq yig'ish zarur edi. Natijada yigitlarning bir-biri bilan to'liq tushunib keta olmasligi ko'rinib qoldi.

Islombek Rustambekov.

Murod Otajonov: “Yoshlarimizda jamoaviy o'yin yaxshi shakllanmaganligi bilinib qoldi”