Aynan Xolmuhamedovni xatti-harakatlari ham Navbahorga gol urish imkoniyatini tuhfa etmadi. Etiborli jihati Xolmuhamedov oyog'idan engil jarohat olgan bo'lishiga qaramay maydonda oxirigcha mardonovor tarzda kurashib, So'g'diyona jamoasini dastlabki ochkolarni qo'lga kiritishiga munosib hissa qo'shdi. O'yin yakuniga etgach Xolmuhamedovni jarohat tufayli qiyinchilik bilan harakat qilayotganligiga guvoh bo'ldik. Fursatdan foydalanib, uning o'yin haqidagi fikrlari bilan ham qiziqdik:

- Maydonga g'alaba uchun tushgandik. Uchrashuv ikkinchi bo'limida maydonda kamchilik bo'lib qolganligimiz sababli o'yinning yakuniy qismida durang uchun harakat qildik. Maqsadimiz Namangandan kamida ochko bilan qaytish edi. Safarda to'p surganligimiz sababli bizni qayd etilgan durang natija ham qoniqtirardi. Chempionat boshidagi ikkita mag'lubiyat ruhim holatimizga biroz bo'lsada salbiy tasir ko'rsatgandi. Bugungidek uchrashuvlar orqali o'zimizni ruhiy holatimizni tiklab olmoqdamiz. O'zimizga bo'lgan ishonchimiz ortib bormoqda. Uchrashuvdan oldin kamida ochko olishimizga bo'lgan ishonchimiz ko'proq edi. Yakunda Navbahor maydonidan bir ochkoni qo'lga kiritganimiz yaxshi bo'ldi, - deydi Xolmuhammedov.

Murod Xolmuhammedov: Namanganda ochko olishimizga ishongandik