Яйпанда кечадиган "Пахтакор" - "Нефтчи" яъни "Ўзбек Эль Класико"сига қизиқиш катта. Бугунги кунда бу жамоалар тўқнашувида 2000 йилларда бўлгани каби шиддат ёки муросасизлик қайд этилмаётган бўлсада, ном ўз аҳамиятини йўқотмаган. Биз эса мазкур баҳс олдидан ўз вақтида икки жамоа таркибида ажойиб ўйинлар ўтказган Акмал Холматовнинг фикрларини тингладик.

— Жамоаларнинг турнир жадвалидаги ўрнини ҳисобга олганда ҳам бугун қизиқарли беллашув кўрамиз. Чунки "Пахтакор" совринли ўринлар учун, "Нефтчи" элитада ўрнини сақлаб қолиш учун курашмоқда. Очко жуда зарур. Натижага келсак, фикримча хоҳиш юқори бўлган жамоа ғалаба қозонади.

— Максим Шацких келгач "Пахтакор" ҳужумкор ўйин кўрсатишни бошлади. Гарчи ўйин яхши томонга юз фоиз ўзгармаган бўлсада, ҳужумкорлик ошган. "Нефтчи" эса Виталий Левченко мураббийлигида анча тартибли ҳаракат қилмоқда.Футболчилар руҳий томондан ҳам тетиклашгани сезилиб турибди. Бугун барчасини майдонда гувоҳига айланамиз.

— "Нефтчи" бугун 12-футболчиси бўлган мухлислари ҳисобига очко олиши мумкин. Яйпандаги стадионга кўплаб фарғоналик ишқибозлар ташрифи кутиляпти. "Пахтакор"да эса Жиззахдаги дурангдан кейин ортга қадам ташлаш хато эканлигини ҳис қиляпти, деб ўйлайман.

"Пахтакор" "Нефтчи"ни сафарда охирги маротаба қачон ютганини биласизми?

Абдулазиз Искандаров

Мутахассис фикри: "Пахтакор" Шацких келгач ҳужумкор ўйин кўрсатмоқда. "Нефтчи" бир нарса ҳисобига ютиши мумкин"