Мухтор Қурбонов, “Шўртан” ФК бош мураббийи: “Металлург” анча шаклланган жамоа. Охирги турда ўйин оғир кечишини билгандик. Шундай бўлиб чиқди ҳам. Аммо Бекободга ғалаба иштиёқида келгандик. Ўйинчиларимизнинг аксарият вазиятларда асабийлашиши панд берди. Иккинчи таймда ўйинда бурилиш ясашга ҳам эришдик. Аммо ўзимиз учун керакли бўлган натижага эриша олмадик. Ғалаба билан бекободликларни табриклайман.

Бу йилги мавсумда кучли ўнталикка кириш олдимизга вазифа қилиб қўйилганди. Лекин кўнглимда еттинчи-саккизинчи ўринлар учун курашиш нияти ҳам йўқ эмасди. Бунинг учун потенциал имкониятимиз етарди. Афсуски мавсум давомидаги бир қатор қийинчиликлар, айниқса моддий муаммолар барча ўйлаганларимизни амалга ошириш учун тўсқинлик қилди. Шундай бўлса-да, дебютант учун 11-ўрин ёмон натижа деб ўйламайман. Кейинги мавсум бу йил йўл қўйилган хато ва камчиликлардан тўғри хулоса чиқарган ҳолда, янада юқори мақсадлар учун курашамиз.

Мухтор Қурбонов: "Моддий муаммолар ўйлаганларимизни амалга ошириш учун тўсқинлик қилди"