Turnir yakunida saytimiz muxbiri "Musobaqaning eng yaxshi darvozaboni" nominaciyasi g'olibligini qo'lga kiritgan tajribali darvozabon Muzaffar Abdullaevning fikrlari bilan qiziqdi.

- "Hokim kubogi" musobaqasi Superliga yangi mavsumiga tayyorgarlikning bir qismi bo'ldi" - deydi tajribali posbon. "Dastlab "Qo'qon-1912" jamoasi ushbu musobaqada shunchaki ishtirok etmoqda degan gap-so'zlar ham tarqaldi. Biz oldimizga "Hokim kubogi" musobaqasida g'oliblikni maqsad qilib qo'ydik.

Albatta, g'oliblikni qo'lga kiritish oson bo'lgani yo'q. Turnir davomida bizga jiddiy raqiblar duch kelishdi. Biz astoydil harakat va mahorat evaziga raqiblarimizni mag'lubiyatga uchratdik.

"Eng yaxshi darvozabon" nominaciyasida g'olib chiqish albatta yoqimli. Bunday etirof futboliga qo'shimcha ishtiyoq beradi, harakatga undaydi.

Turnir davomida uzoq yo'l bosib kelib bizni qo'llab-quvvatlab turgan jamoamiz muxlislariga rahmat aytamiz. Albatta, Superliga o'yinlarida ham ularni xursand etishga harakat qilamiz. Yangi mavsumda jamoamiz bilan birgalikda yuqori o'rinlar uchun kurashishni maqsad qilganmiz" - deydi Muzaffar Abdullaev.

Bekzod Tolibov yozib oldi

Muzaffar Abdullaev: "Mahorat evaziga raqiblarimizni mag'lub etdik"