Mazkur uchrashuvdan so'ng "qaldirg'ochlar"ning safardan bir ochko bilan qaytishiga munosib hissa qo'shgan Muzaffar Olimjonovning fikrlari bilan qiziqdik.

- "Nasaf"ning nimalarga qodirligini va kuchini bilar edik. Shunga yarasha tayyorgarlik ko'rgandik. O'yin davomida murabbiylarimiz bergan ko'rsatmalarni 70-80 foizini bajardik, deb o'ylayman. Ko'pchilik 5ta himoyachi bilan o'ynayotganimizni tanqid qilmoqda. Buni to'g'ri qabul qilish kerak. Ivan Boshkovich raqibdan kelib chiqib taktik tanlaydi. Chunki hozir shunday vaziyatdamiz. Har bir o'yinda maksimal ochko oladigan payt.

- Ha, omad "Bunyodkor" tomonida bo'ldi. Lekin jamoaning mehnatini ham unutmaslik lozim. So'nggi daqiqalarda to'p darvozamizga kirib ketayotganda boshqa ilojim qolmagandi. Agarda qo'lim bilan qaytarmaganimda gol bo'lardi va 2:1 hisobida mezbonlar g'alaba qozonardi.Tavakkal qildim, xolos. Penaltida biroz bo'lsada umid uyg'ondi. Jamoani goldan bitta men emas, Suhrob Sultonov ham qutqarganini aytish joiz. Ularga rahmat aytaman. Maydondan chetlatilganimdan so'ng tribunada o'tira turib Suhrob Sultonovni "Lokomotiv" va "Navbahor" bilan o'yinlarda qaytargan penaltilari esimga tushdi. Lekin Luis Suarez va Urugvay - Gana uchrashuvi hayolimga ham kelmadi.

Abdulaziz Iskandarov yozib oldi

Muzaffar Olimjonov: "Nasaf" bilan o'yinda omadimiz keldi. Lekin "Bunyodkor"ning mehnatini unutmaslik kerak"