"Европа лигаси орқалигина ЕЧЛга йўлланма олишимиз мумкин". Ўтган мавсумда бу ишни Жозе Моуриньо бошчилигида АПЛнинг кучли олтилигидан жой олган МЮ бажара олганди.

ГЕНРИХ МХИТАРЯН "АРСЕНАЛ"ДА ЭНГ ЯХШИ ЎЙИНИНИ ЎТКАЗДИГенрих "Эмирейтс"да "Эвертон"га қарши яхши баҳс ўтказди, унда у ассистентлик бўйича хет-трикни қайд этганди. Бироқ бу инқироздаги мерсисайдлик жамоа эди. "Сан-Сиро"да эса арманистонлик футболчи аъло даражада ўйнади. У чап қанотда тўп учун яхши курашди. Давиде Калабрия Мхитарян билан тенглаша олмади, шу орқали у "Арсенал" учун дебют голини киритди. Илк 45 дақиқаликда у иккинчи голини ҳам киритиши мумкин эди. Бироқ бироз омад етишмади.

БОНУЧЧИ ЖУДА ЁМОН ЎЙНАДИ

Ўйиннинг якуни "Милан"нинг ҳолатини акс эттирди. Леонардо Бонуччи Андре Силвага узоқ масофадан пас берди, бу эса жуда нотўғри бўлди. Бонуччи - "Арсенал"нинг ғалаба қозонишида яхши сабаб бўлди. Леонардо ҳар доимгидек кичик пасларда аниқликни намойиш этди. "Арсенал" билан баҳсда 57дан 41та пасини аниқ шерикларига узатиб берган (72 фоиз аниқлик). Бироқ унинг ҳисобида рақибдан тўпни олиб қўйиш йўқ, 3 марта тўпни тепиб юборган. Бонуччи бирор марта ҳаводаги курашда рақибни мағлуб эта олмади. Унда бурчакдан оширилган тўпдан кейин вазият бўлганди. Бироқ у тўпга ета олмади. У жуда кўп хато қилди. Лео Жоржо Кьеллинининг "Тоттенхэм"га қарши ўйинини томоша қилса бўларди.

"МИЛАН" ҲИМОЯЧИЛАРИ ЎЗИЛНИ ЙЎҚОТИБ ҚЎЙДИ

Месут Ўзилни танқид қилиш анча олдин бошланганди. Чунки у мухим баҳсларда ўзини кўрсата олмаётганди. Германиялик футболчи принципиал рақиблар билан ўйинларда ўзини йўқотиб қўйди. Аммо "Милан"га қарши учрашувда Ўзил яхши ўйнади. "Россонери"лар ҳимоячи Месутга бўш ҳудудлар очиб беришди. У аввалига Генрих Мхитарянга чиройли тўп узатди ва голга ассистент бўлди. Кейин эса Ремзига идеал даражадаги пас берди. Икки вазият = икки гол. Ўзил Италияда эффектив ўйин кўрсатди.

"МИЛАН" ЎЗИНИ АЙБЛАШИ КЕРАК

Женнаро Гаттузо бошчилигидаги жамоа жуда ёмон ўйин ўтказди. Миланликларнинг рақибдан даражаси паст эканлиги кўриниб қолди, бунда эса фақатгина ўзлари айбдор. Биргина Франк Кэссини мисол қилиб келтирсак бўлади. У "канонирлар" билан баҳсда жуда кўп хатоликка йўл қўйди. Қизиғи, "Милан" рақибидан кўра кўпроқ дарвозага зарба берди - 16:8. Бироқ Давид Оспина қийналгани йўқ. Рино шогирдлари билан жиддий гаплашиб олиши керак.

ЕВРОПА ЛИГАСИ - ВЕНГЕР УЧУН ЯГОНА ИМКОНИЯТ

"Арсенал" "Милан" баҳсда яхши кайфият билан ғалаба қозонди. Арсен Венгер ҳам Европа лигаси соврини - ЕЧЛ учун ягона имконият эканлигини билиб турибди. Агарда франциялик мураббий қўл остида "Арсенал" кетма кет иккинчи марта Чемпионлар лигасига чиқа олмаса, мутахассиснинг ўзи жамоада қолиши жуда қийин бўлади. Венгернинг ўзи 2019 йилгача бўлган шартномаси якунлангунига қадар "Арсенал"ни бошқаришни истайди. 1/8 финалдаги илк ўйини эса Арсенга катта умид берди.

Миржалол Норматов таржима қилди

Мхитаряннинг энг яхши ўйини. "Милан" қандай қилиб "Арсенал"га мағлуб бўлди?