Jurnalist Janluka di Marcioning xabariga ko'ra, futbolchi "Inter" tarkibida ko'rikdan o'tish uchun Milan shahriga etib borgan.

Transfer 1,5 million evroga narxlanadi. 2021 yilga qadar kelishuvga erishgan Yang "Inter"da 6 million evro maosh oladi.

Ushbu transferni "Manchester Yunayted" bosh murabbiyi Ole-Gunnar Sulsher ham tasdiqladi.

"Yang yozda 35 yoshga to'ladi. Agarda unga 2 yillik shartnoma taklif qilishgan bo'lishsa, u buni qabul qilishi kerak edi. Biroq biz bunga tayyor emasdik. Yang klub uchun borini berdi. U sardor sifatida sovrinlar ham yutdi: chempionatlar, turli xil sovrinlar... Endi esa u 35 yoshida ham futbolni tashlamasdan boshqa sarguzashtlar izlab yo'lga chiqdi. Menimcha u ayni damdagi eng to'g'ri qarorni qabul qildi", - dedi Sulsher.

MYU futbolchisi Milan aeroportida ko'rinish berdi