Ушбу термалар ЖЧ-2022нинг учинчи тури доирасида тўқнаш келишади. Айни дамда Испания 4 очко билан гуруҳ пешқадами бўлиб турибди. Япония ва Коста-Рика термалари 3 очко билан иккинчи ўринни бўлишиб туришган бўлишса, Германия ҳисобида 1 очко бор. Бўлажак баҳсда 8:0 ҳисобидаги ғалаба Германия термасига плей-оффни кафолатлайди.
"Албатта, гуруҳдаги иккинчи ўйинни ҳам кузатамиз. Биз бор воқеликка қараб вазиятга мослашамиз. Бўлажак баҳсда ўз даражамизда ўйнаб, ғалабага эришишимиз керак. Коста-Рикани 8:0 ҳисобида юта оламиз, бироқ бу жаҳон чемпионатида нореал. Қоғозда Коста-Рикадан кучлимиз, аммо бу ўйинга таъсир қилмайди.
Ғалаба қозонишни истаймиз, аммо шу билан биргаликда рақибни ҳурмат қиламиз. Катта натижаларни айтишдан олдин камтарликни ҳам ўйлаш керак. Чунки Коста-Риканинг Испанияга 0:7 ҳисобидаги мағлубияти ҳозир ҳеч нимани англатмаяпти.
Ҳозир барчада имконият бор. Ушбу ўйинлардан кейин барча ўз даражасини намойиш қилишга интилади", - деди Мюллер.

Мюллер: "Коста-Рикани 8:0 ҳисобида юта оламиз"