Yaponiya terma jamoasi "E" guruhida Ispaniya va Germaniya termalarini ortda qoldirgan holda turnir nimchorak finaliga yo'l oldi. Bu bosqichda kun chiqar yurt vakillari to'rtinchi marotaba omadini sinab ko'radi. Raqib esa 2018 yilgi mundial finalchisi – Xorvatiya. Himoyachi Yuto Nagatomo o'yin oldidan fikrlari bilan o'rtoqlashdi.

"Eng avvalo, jasorat ko'rsatish kerak. Jangga kirishdan oldin ular (samuraylar) qurollarini jilolaydilar va texnikasini yaxshilashga harakat qilishadi. Ammo ular jang paytida qo'rquvga tushib qolsalar, qurol va texnikadan to'liq foydalana olishmaydi. Futbolda ham xuddi shunday. Albatta, taktika va texnika muhim, lekin biz ularni qanchalik yaxshilagan bo'lmaylik, maydonga tushgach qo'rqsak, bu narsalar foydasiz bo'lib qoladi".

Eslatib o'tamiz, Yaponiya va Xorvatiya o'rtasidagi bahs Toshkent vaqti bilan 20:00 da Qatardagi "Al Janub" stadionida start oladi.

Nagatomo: "Yaponlar "samuraylardek" jang qilishi kerak"