"Navbahor" matbuot xizmati mazkur jarayon qanday borayotganligi borasida “Markaziy” o'yingoh direktori Nabixon Abdug'anievdan intervyu oldik. Quyida uning fikrlarini etiboringizga havola etamiz.

O'zbekiston futbol associaciyasi ijroiya qo'mitasining qaroriga asosan, joylardagi stadionlarga qo'yiladigan talablarga asosan, 2018 yil 3 dekabrdan “Markaziy” stadionni kapital tamirdan chiqarish ishlariga kirishildi. Ishni maydondagi mavjud chimni ko'chirishdan boshladik. Yaroqli maysalarni zaxira stadionining maydoniga ko'chirib o'tqazdik. 25-30 sm. hajmdagi eski tuproqlarni qazib olb tashladik. Drenaj va sug'orish tizimi barpo etildi. Laboratoriyadan o'tkazilgan qumlar 25 sm. qalinlikda yotqizildi. Rossiyadan 20 tonna torf olib kelib, sepildi. Bundan buyon maydon chimini sug'orish to'lig'icha kompyuter orqali amalga oshiriladi. Havo haroratidan kelib chiqib, maysada suvga ehtiyoj sezilsa, avtomatik tarzda sepa boshlaydi. 108 kub hajmda suv sig'adigan rezervuar o'rnatildi. Demak, maydon maysasini to'rt marta sug'orishga etadigan suv zaxirasiga ega bo'ldik. Yozning jarizama issiq kunlarida suv tanqisligi yuzaga kelishi ehtimoli bor. Aynan shunday paytlarda yig'ib qo'yilgan suv variantidan foydalaniladi.
Shuningdek, uzluksiz elektr taminoti borasida bosh qotirilib, aver-avtomat o'rnatildi. Yoritkichlarimiz 1500 lyuksga teng va talab darajasida.

11 martdan chim yotqizish ishlari boshlandi. Ayni paytda stadionda 60 nafar mutaxassis mehnat qilmoqda. Chim yotqizish ishlarini Xudo xohlasa, Navro'z bayramiga qadar yakunlashni rejalashtirganmiz.

O'z navbatida takidlash joizki, mazkur chim Qarshi shahridan keltirilmoqda.Ushbu maysa bir yil davomida xorij urug'i asosida maxsus plantaciyada o'stirilgan va iqlimimizga mos hamda sifati bo'yicha uncha – buncha Evropa maysalaridan qolishmaydi

Shundan so'ng, mutaxassislar fikriga ko'ra, 40-45 kundan so'ng, maydonda futbol o'ynash mumkin bo'ladi.

Zaxira maydonimiz anchadan buyon foydalanilmay yotgandi. Edi PFL talablari asosida mazkur o'yingoh ham tamirlanmoqda. Jumladan, jamoalar uchun kiyinish xonalari barpo etiladi, plastik o'rindiqlar o'rnatiladi, shuningdek, bu erga suniy maydon ham qurilmoqda.

Keyinchalik mazkur zaxira maydonida “Navbahor”ning U-21 yoshlar va ayollar jamoalari bemalol chempionat o'yinlarini o'tkazishlari mumkin.

Qisqasi, “Markaziy” o'yingohda, tez kunlar ichida “Markaziy” o'yingohda muxlislar “Navbahor”ning uy uchrashuvlarini tomosha qilish imkoniyatiga ega bo'lishadi.

“Navbahor” PFK matbuot xizmati.

Namangandagi "Markaziy" stadion direktori: “O'yingohimizda ishlar jadal bormoqda”