Учрашув 19 апрел сешанба куни Қарши шаҳридаги “Марказий” стадионда, соат 19:30да бошланади.

Ушбу учрашувни мамлакатимиз футбол ишқибозларига яхши таниш бўлган Жанубий Кореялик ҳакам - Ким Донг Жин бошқаради.

Унга қанотларда ҳамюртлари Банг Ги Ёл ва Сонг Бонгкуэнлар ёрдам беришади. Учрашувдаги тўртинчи ҳакам сифатида Суриялик ҳакам Маъсуд Туфайлиҳ ишлайди. Ҳакамлар ишини Саудия Арабистонидан Халил Иброҳим Алҳамди назорат қилади. Учрашув комиссари этиб, Ҳиндистонлик Руфус Принс тайинланган.

Осиё чемпионлар лигаси-2016 5-тур.

19 апрел, сешанба

“НАСАФ” (Ўзбекистон) – “АЛ-АЙН” (БАА)

Қарши ш., “Марказий” стадион. Соат 19:30да

Бош ҳакам: Ким Донг Жин (Ж.Корея)

Қанот ҳакамлари: Банг Ги Ёл, Сонг Бонгкуэн (иккаласи ҳам-Ж.Кореядан)

Захира ҳаками: Маъсуд Туфайлиҳ (Сурия)

Назоратчи: Халил Иброҳим Алҳамди (Саудия Арабистони)

Учрашув комиссари: Руфус Принс (Ҳиндистон)

Футбол ишқибозларининг ёдида бўлса, Ким Донг Жин илк марта Қаршига 2011 йили ташриф буюрган ва у ОФК Кубоги-2011 финал учрашувини бошқарган эди. Учрашувда ўзингизга маълум, жамоамиз Қувайтнинг “Қувайт СК” клубини 2:1 ҳисобида мағлубиятга учратиб, бош совринни қўлга киритган эди.

Ким Донг Жин бундан ташқари мамлакатимиз клублари иштирокидаги 11та учрашувда ҳам бош ҳакам сифатида ишлаган.

Ушбу ҳакам, 2014 йилги Ўзбекистон Кубоги финалида “Локомотив” – “Бунёдкор” учрашувини ҳам бошқарган.

“Насаф” – “Ал-Айн” ўйинини Ким Донг Жин бошқаради