Жумладан, бугун ҳар иккала клуб вакиллари иштирокидаги ўйинолди матбуот анжуманлари ҳам бўлиб ўтади.

Дастлаб соат 12:30да бошланадиган матбуот анжуманида, “Ал Садд” жамоаси бош мураббийи Жезуалду Феррейра ҳамда жамоанинг 5-рақамдаги ярим ҳимоячиси Жугуртҳа Ҳамроунлар иштирок этишади.

"Насаф" футбочилари иштирокидаги матбуот анжумани соат 13:00да бошланади. Унда жамоа устози Рўзиқул Бердиев ҳамда ҳужумчи Бобир Абдухолиқовлар иштирок этишади.

Бугун шунингдек жамоалар “Марказий” стадионида ўйинолди расмий машғулотларини ҳам ўтказишади.

“Насаф” расмий машғулотни соат 17:30 бошлайди. Меҳмонлар эса соат 18:30да расмий машғулотини бошлайдилар.

Ўйинолди расмий машғулотларининг дастлабки 15 дақиқасини ОАВ вакиллари кузатишлари рухсат этилади.

ОЧЛ-2018да аккредитациядан ўтган барча журналистларни ушбу тадбирларга таклиф этиб қоламиз.

"Насаф" - "Ал Садд". Бугун ўйинолди матбуот анжумани бўлади