Dastlabki ikki turda bir ochko jamg'argan dubayliklar uchun mazkur bellashuv hal qiluvchi ahamiyatga ega bo'lishi mumkin.

“AL AHLI” FUTBOL KLUBI
Laqabi: “Fursan”, “qizil jangchilar”
Tashkil topgan yili: 1970
Stadioni: “Rashid”, 25 ming tomoshabinga mo'ljallangan
Boshqaruvchisi: Abdulloh Said Alnaboda
Bosh murabbiyi: Kosmin Olariu (Ruminiya)
Erishgan yutuqlari: 6 karra BAA chempioni (1974–75, 1975–76, 1979–80, 2005–06, 2008–09, 2013–14), 8 marta BAA Prezidenti Kubogi sohibi (1974–75, 1976–77, 1977–78, 1995–96, 2001–02, 2003–04, 2007–08, 2012–13), Etisalat Emireyts Kubogi sohibi (2011–12, 2013–14), BAA Superkubogi sohibi (2009, 2013).

“Al Ahli” Dubay amirligi sharafini himoya qiluvchi sport klubi hisoblanadi. U 1970 yilda tashkil etilgan. O'sha paytda “Al Vahda” va “Al Shabab” jamoalarining birlashishi natijasida “Ahli” yuzaga kelgan. 4 yil keyin “Al Najah” ham “Al Ahli” bilan birlashgan. Shu tariqa uch jamoaning bittaga aylanishi tufayli bizning tilda “milliy” degan manoni bildiradigan klub tashkil topgan.

Bosh murabbiy Kosmin Olariu 2007 yildan buyon arab jamoalarida faoliyat olib bormoqda. “Al Hilol”, “Al Sadd”, “Al Ayn” va “Al Ahli” singari Saudiya Arabistoni, Qatar va BAAning eng kuchli klublarida ishlagan. O'tgan yillar mobaynida 10ga yaqin sovrinlarni qo'lga kiritdi. BAAda so'nggi 3 mavsumda Olariu boshqargan jamoalar chempionga aylangan. Faqat joriy mavsumda uning jamoasi chempionlik uchun kurashdan chetga chiqqan. Qishda u Saudiya Arabistoni milliy terma jamoasini Osiyo Kubogida boshqardi va uning jamoasi guruh bosqichida terma jamoamizga yutqazdi.

Kosmin OLARIU
Tug'ilgan sanasi: 10.06.1969
Tug'ilgan joyi: Buxarest, Ruminiya.
Futbolchilikdagi poziciyasi: markaziy himoyachi
O'ynagan jamoalari: 1989–1990 “Gloriya”, 1990–1991 MEKON, 1991–1992 “Girueta”, 1992–1995 “Nacional”, 1995–1997 “Krayova”, 1997–2000 “Suvon Blyuingiz”, 2000 “JEF Yunayted”.
Boshqargan jamoalari: 2000–2002 “Nacional”, 2002 “Styaua”, 2002–2005 “Nacional”, 2005 “Timishoara”, 2006–2007 “Styaua”, 2007–2009 “Al Hilol”, 2009–2010 “Al Sadd”, 2011–2013 “Al Ayn”, 2013-14 “Al Ahli”, 2014 yil dekabrdan Saudiya Arabistoni terma jamoasida.
Sovrinlari: Koreya chempioni-1998, 1999, Koreya ligasi Kubogi sohibi-1999, 2000, Ruminiya chempioni-2005–06, Saudiya Arabistoni chempioni-2007–08, Saudiya shahzodasi Kubogi sohibi-2007–08, 2008–09, Qatar Kubogi sohibi-2010, BAA chempioni-2011–12, 2012–13, 2013–14.

Jamoada 8 nafar BAA terma jamoasiga nomzod o'yinchilar bor. Majid Nosir, Volid Abbos, Abdulaziz Haykal, Abdulaziz Sanqur, Habib Fardan, Ismoil Hammadi, Majid Hassan va Ahmad Halil terma jamoaga jalb etiladi. Legionerlardan koreyalik Kvon Kyun Von, gollandiyalik Ossama Assaidi, falastinlik Luis Ximenes va braziliyalik Everton Ribeyro mavjud. Assaidi aslida Marokash, Ximenes Chilida tug'ilgan. Biroq ular ikkinchi fuqarolikka ham ega. Assaidi, Ximenes va Ribeyro hujum chizig'ida katta faollik ko'rsatadi.

Halil esa ularni yakunlashda yaxshi harakat qiladi. Everton uchun Evropaning bir qator grand klublari ham kurash olib borishgandi. Yakunda “Ahli” uni “Kruzeyro”dan katta mablag' sarflab, sotib oldi. Aynan ushbu futbolchilar jamoaning asosiy tayanch o'yinchilari sanaladi.

Darvozabonlar
1. Ahmad Braik
12. Ahmad Mahmud
33. Saif Yusuf
55. Majid Nosir

Himoyachilar
2. Salmin Hamis
5. Volid Abbos
26. Abdulaziz Haykal
28. Isa Ahmad
46. Abdulrahmon Yusuf
62. Abdulaziz Sanqur
77. Yusuf Said

Yarim himoyachilar
4. Habib Fardan
7. Ismoil Hammadi
8. Everton Ribeyro (Braziliya)
10. Luis Ximenes (Falastin)
14. Ossama Assaidi (Gollandiya)
19. Ali G'ulom
21. Kvon Kyun Von (Janubiy Koreya)
57. Muhammad Sebil
70. Volid Husayn
80. Humayd Abbos
88. Majid Hassan

Hujumchilar
11. Ahmad Halil
17. Volid Ambar
20. Said Blushi
92. Said Jassim

Behzod NAZAROV tayyorladi.

“Nasaf” boshqa bir “Ahli” bilan bellashadi