15 oktyabrdan etiboran Superliganing 22-tur bahslari davom etadi. Bekobodning "Metallurg" klubi mazkur tur doirasida bugun Qarshida mehmon bo'ladi.

Ayni paytda "Nasaf" Jasur Abduraimov shogirdlaridan 17 ochko oldinda borayotgan bo'lsa-da, 1-davradagi o'yinda "Metallurg"ga imkoniyatni boy berib qo'ygan edi (2:1). 23 iyun kuni o'tkazilgan uchrashuvda Zohid Abdullaev va Salomat Quttiboevning gollariga "ajdarlar" safida Shohmalik Komilov 1 bor javob qaytargan.

Agar bugun ham "Metallurg" 3 ochko olsa, tarixda ilk bor mavsumning har ikkala bahsida "Nasaf"ni engadi. Malumot uchun, 19 avgust kuni o'tkazilgan O'zbekiston kubogining nimchorak finalida "Nasaf" "Metallurg ustidan 5:2 hisobida zafar quchgan. Biroq, u boshqa turnir hisoblanadi.

O'zbekiston chempionatlari tarixiga nazar solsak, "Nasaf" va "Metallurg" klublari 48-bor o'zaro qarshilashishi oydinlashadi. Bu klublar ilk bor 1998 yilgi mavsumda to'qnashishgan. Shundan buyon o'tkazilgan 47 bahsning 29 tasi "ajdarlar" foydasiga hal bo'lgan, 12 o'yinda bekobodliklarning qo'li baland kelgan (6 durang).

To'plar nisbati borasida ham mutlaq ustunlik "Nasaf" tomonidan - 78:38 (+40).

"Markaziy" stadionda o'tadigan o'yinda Zokir Qodirov boshchiligidagi hakamlar brigadasi hamda VAR tizimi ishlaydi.

Coca-Cola Superliga. 22-tur
15 oktyabr, juma
18:30 - NASAF – METALLURG
Hakamlar: Zokir Qodirov, Abduhamidullo Rasulov, Aleksandr Sidorov, Farruh Yansupov
Nazoratchi: Temur Abdullaev
VAR hakami: Aziz Asimov
VAR assistent: Timur Gaynullin
VAR nazoratchisi: Valentin Kovalenko
Komissar: Shohruh Said

Malumot uchun, navoiylik referi Superliganing joriy mavsumida "Nasaf" ishtirokidagi 3 o'yinni boshqardi. Ulardan faqat bittasida Ro'ziqul Berdiev shogirdlarining qo'li baland kelgan.

16-tur. "Nasaf" 0:1 "Navbahor"
13-tur. "Lokomativ" 2:0 "Nasaf"
11-tur. "Qo'qon-1912" 1:2 "Nasaf"

Qodirov "Metallurg" o'ynagan o'yinlarda 2 bor ishladi (biri O'zbekiston kubogi doirasida).

15-tur. "Bunyodkor" 2:0 "Metallurg"
O'K (1-tur). "Metallurg" 2:0 "Yangier"

Nima deb o'ylaysiz, Toshkent vaqti bilan 18:30 da start oladigan bahsda "Nasaf" 1-davradagi mag'lubiyat uchun qasos olishni uddalaydimi?

Tarixiy golni Nesterov "quchoqladi"

"Nasaf" bugun "Metallurg"dan o'ch oladimi?