Aslida 25 yanvar sanasida qarshilik futbolchilari Tojikistonning “Istiqlol” jamoasi bilan kuch sinashishlari lozim edi. Ammo malum sabablarga ko'ra, mazkur bahs o'tkazilmaydigan bo'ldi. Natijada jamoamiz Davron Fayziev boshchiligidagi “So'g'diyona”ga qarshi nazorat bahsini o'tkazadi.

Jamoamiz tarkibidagi o'zgarishlarga to'xtaladigan bo'lsak, o'tgan haftada “Navbahor”ga qarshi bahsda jamoa tarkibida ko'rikdan o'tgan Ildar Mamatkazin klub bilan shartnomaga imzo chekdi. “Lokomotiv” bilan shartnomasi yakuniga etgan yarim himoyachi Dilshod Rahmatullaev ham yangi mavsumda “Nasaf” sharafini himoya qiladigan bo'ldi. Shuningdek, o'tgan mavsumda “So'g'diyona”da harakat qilgan himoyachi Saydullo Rahmatov ham “Nasaf” bilan kelishuvga erishdi. Bungacha “Mashal”dan iqtidorli posbon “Nasaf” bilan bir yillik bitimga imzo chekkandi. Ayni paytda bir yo'la uch nafar futbolchimiz – himoyachi Hamza Karimov, Farruh Sayfiev va yarim himoyachi Odil Hamrobekov jarohati bois jamoa tarkibida mashg'ulotlarda ishtirok etishmayapti.

O'z navbatida so'nggi to'rt mavsumda “Nasaf” sharafini himoya qilgan Shoxruh Gadoev keyingi faoliyatini Bahraynning “Muharraq” jamoasi bilan bog'ladi. Shuningdek, jamoani darvozabonlar O'tkir Yusupov, Alibek Turobov, Ilhom Yunusov, Botir Qoraev, Akram Bahriddinov, Alisher Yusupov tark etishdi. O'tgan mavsumda qarshilik muxlislarning yoqimtoyiga aylanib qolgan sloveniyalik Roy Rok kuni kecha poytaxtimizda tibbiy ko'rikdan muvaffaqiyatli o'tolmadi tabiiyki, u jamoa bilan yangi shartnomaga imzo chekmaydigan bo'ldi.

“Nasaf” – “So'g'diyona” uchrashuvi 25 yanvar kuni soat 15:00 da “Bunyodkor” stadioni futbol maktabi maydonida boshlanadi.

"Nasaf": Jamoani tark etganlar, Roy Rok tibbiy ko'rikdan o'tolmagani va "So'g'diyona" bilan bo'ladigan bahs haqida