Jumladan, 4 dekabr kuni Chiroqchi tumanidagi 1 – sonli bolalar-o'smirlar sport maktabida Qarshining “Nasaf” futbol klubi jamoasi tashrif buyurdi.

Mazkur tadbir Chiroqchi tuman hokimligi, tuman xalq talimi bo'limi, tuman jismoniy tarbiya va sport bo'limi hamda 1- sonli bolalar-o'smirlar sport maktabi tashabbusi bilan tashkil etildi. “Nasaf” futbolchilarning BO'SM tarbiyalanuvchilari bilan bo'lib o'tgan uchrashuvida bosh murabbiy Ro'ziqul Berdiev hamda Bobur Abduxoliqov, Oybek Bozorov singari o'yinchilari so'z olib, futbolga oshno bo'lgan bolaning katta sport sari borishida irodani mustahkam bo'lishi, mashg'ulotlarda toblanishi, o'z ustida ishlashi xususida to'xtalib o'tdi va o'quvchilarning qiziqtirgan savollariga batafsil javob berishdi.

Shundan so'ng “Nasaf” futbolchilari o'quvchilar bilan ikki jamoaga bo'linib, master-klass ko'rinishidagi o'yin o'tkazishdi. Mazkur tadbirda ishtirok etgan Chiroqchi tuman hokimi Xurram Jo'raev ham “Nasaf” klubining bunday tashrifidan muxlislarning, ayniqsa, o'quvchilarning ko'ngli shod bo'lgani, ularning sportga, futbolga bo'lgan ishtiyoqi ortganini takidlab o'tdi. Yanayam etiborlisi, tadbir so'nggida “Nasaf” jamoasi va tuman hokimligi “3 dekabr – Xalqaro nogironlar kuni” munosabati bilan tadbirga taklif etilgan nogironligi bo'lgan bir guruh fuqarolarga nogironlik aravachalari va boshqa qimmatbaho sovg'alar o'lashdi. Bundan tashqari BO'SM tarbiyalanuvchilari ham “Nasaf”ning turli sport jihozlaridan iborat sovg'alariga ega bo'lishdi.

Ilhom RAHMONOV tayyorladi

"Nasaf" jamoasi azolari Chiroqchidagi 1-BO'SMda bo'lishdi