Jamoalar hal qiluvchi bahsga qay tariqa etib kelishgani, o'tgan mavsumlardagi ishtiroklari haqida malumot berishga qaror qildik. Dastlabki qismda finalning nominal mezboni hisoblangan “Nasaf”ning bosib o'tgan yo'li haqida malumot beramiz.

Bu yilgi O'zbekiston kubogini “Nasaf” 1/16 final bosqichidan boshladi. Dastlabki bosqichda qarshiliklar birinchi liga ishtirokichisi “Registon” tomonidan aytarli qarshilikka uchrashmadi. 6 aprel kuni Samarqandda bo'lib o'tgan o'yin bahsda Ro'ziqul Berdiev shogirdlari maydon egalarini 6:1 hisobida taslim qilishgandi. Kubok finalchisi tarkibidan gollarni Farrux Sayfiev, Azamat Allaniyozov, Alisher Yusupov, Suxrob Nematov, Zohid Abdullaev va Laziz Ubaydullaev urishgandi.

Nimchorak finalda esa voha derbisi kuzatildi. “Nasaf”ga bu safar G'uzorning “Sho'rtan” klubi raqiblik qildi. Qarshida kechgan dastlabki o'yinda maydon egalari 2:0 hisobida zafar quchishgan. Azamat Allaniyozov va Shohruh Gadoev o'z nomlarini tabloga yozib qo'yishgan. Javob bahsida esa Artur Gevorkyan tomonidan urilgan gol “Nasaf”ga yana g'alaba keltirgan – 1:0.

Keyingi bosqichda “Nasaf” O'zbekiston kubogining ikki karra sohibi Farg'onaning “Neftchi” klubi bilan bellashdi. Takidlash lozimki, voha klubi yarim final taqdirini Farg'onada bo'lib o'tgan dastlabki o'yinda deyarli hal qilib qo'ygandi. Sababi “Neftchi” o'z uyida 0:2 hisobida mag'lub bo'lgandi. Zohid Abdullaev va Suxrob Nematov mehmonlarga g'alaba keltirgandi. Javob bahsida esa kutilganidek “Nasaf” zafar quchgan (3:1) va yarim finalga yo'l olgandi. Bu safar ham Zohid Abdullaev “Neftchi”ni ranjita olgandi, bir emas ikki marta. Shuningdek Shohruh Gadoev ham farg'onaliklar darvozasini ishg'ol qilgan.

Yarim finalda Ro'ziqul Berdiev shogirdlari qarshisidan amaldagi mamlakat chempioni “Paxtakor” chiqdi. Toshkentda bo'lib o'tgan dastlabki o'yinda hisob ochilmagan va barcha masala Qarshidagi javob bahsida hal bo'lishi malum bo'lgandi. Qarshida bo'lib o'tgan o'yinda Artur Gevorkyan belgilangan ikkita penaltini aniq amalga oshirib jamoasini finalga olib chiqqandi – 2:0. “Nasaf” shu tariqa ketma-ket uchinchi marta mamlakat kubogining hal qiluvchi uchrashuvida ishtirok etishi malum bo'ldi.

O'zbekiston kubogi. 1/16 final. 06.04.2013.
“Registon” (Samarqand) – “Nasaf” (Qarshi) – 1:6.
Gollar: A. Habibov (32) – F. Sayfiev (9), A. Allaniyozov (22), A. Yusupov (40), S. Nematov (43, penalti), Z. Abdullaev (54), L. Ubaydullaev (63).
“Nasaf”: Naumov, Berdimurodov, M.Karimov, Qoraev (Jo'raboev, 57), Kamolov, Ubaydullaev, Yusupov (Azamov, 79), Boymatov, F.Sayfiev, Allaniyozov (Z.Abdullaev, 46), Nematov.
Ogohlantirishlar: D. Azimov (20), M. Ahmedov (38) – R. Berdimurodov (14).
Chetlatish: D. Azimov (ikkinchi ogohlantirish, 43)

O'zbekiston kubogi. 1/8 final. Birinchi uchrashuv. 28.04.2013.
Nasaf (Qarshi) – Sho'rtan (G'uzor) 2:0
Gollar: Allaniyozov (23), Gadoev (50).
Nasaf: Suyunov, M.Karimov, Qoraev, Shomurodov, Gevorkyan (Kamolov, 90), Boydullaev, Gadoev (F.Sayfiev, 88), Yunusov, Muhammadiev, Hamrobekov, Allaniyozov (Nematov, 76).
Ogohlantirishlar: Hamrobekov (52) - Fomenko (15), SH.Jumaboev (79).

O'zbekiston kubogi. 1/8 final. Javob uchrashuvi. 17.05.2013
Sho'rtan (G'uzor) – Nasaf (Qarshi) 0:1
Gol: Artur Gevorkyan (63).
Nasaf: Suyunov, Berdimurodov, M.Karimov, Kamolov, Z.Abdullaev, Gevorkyan, Boydullaev, Yunusov (Boymatov, 73), Muhammadiev, H.Karimov, Nematov (Shomurodov, 63).
Ogohlantirishlar: Otaqulov (12), Otaxonov (18), Leus (61) – M.Karimov (20), Z.Abdullaev (56).
Chetlatish: Z.Abdullaev (78)

O'zbekiston kubogi. Chorak final. Birinchi uchrashuv. 14.06.2013.
Neftchi (Farg'ona) – Nasaf (Qarshi) 0:2
Gollar: Z.Abdullaev (3), Nematov (77).
Nasaf: Suyunov, M.Karimov, Qoraev, Shomurodov, Z.Abdullaev (Nematov, 67), Gevorkyan (Ubaydullaev, 77), Boydullaev, Yunusov, Muhammadiev (Azamov, 71), H.Karimov, F.Sayfiev.
Ogohlantirishlar: I.Boboxonov (10), SH.Po'latov (15), M.Nizomitdinov (19), S.Asqaraliev (53) - A.Gevorkyan (19), E Boydullaev (59), SH.Muhammadiev (68).

O'zbekiston kubogi. Chorak final. Javob uchrashuvi. 24.06.2013.
Nasaf – Neftchi 3:1
Gollar: Z.Abdullaev (18, 61), Shohruh Gadoev (75) – Sardor Soibov (72).
Nasaf: Hasanov. Berdimurodov, M.Karimov, Z.Abdullaev (Allaniyozov, 68), Gevorkyan, Boymatov, Gadoev, Azamov (H.Karimov, 42), Yunusov (Jo'raboev, 82), Hamrobekov, Nematov.

O'zbekiston kubogi. Yarim final. Birinchi uchrashuv. 30.07.2013
Paxtakor (Toshkent) – Nasaf (Qarshi) 0:0
Nasaf: Suyunov, Qoraev, M.Karimov, H.Karimov, Muhammadiev, Boydullaev, Yunusov, Gadoev, Gevorkyan, Allaniyozov (Z.Abdullaev, 64), Shomurodov.
Ogohlantirishlar: D.Sharofetdinov (3), Miladinovich (82), Soliev (84), Maxaradze (87).

O'zbekiston kubogi. Yarim final. Javob uchrashuvi. 20.08.2013
Nasaf (Qarshi) – Paxtakor (Toshkent) 2:0
Gollar: Artur Gevorkyan, (42-penalti, 82-penalti)
Nasaf: Suyunov, M.Karimov, Qoraev, Shomurodov (Nematov, 90), Gevorkyan, Boydullaev, Gadoev (Sayfiev, 60), Yunusov, Muhammadiev, H.Karimov, Allaniyozov (Z.Abdullaev, 78).
Ogohlantirish: F.Sayfiev (83), Z.Abdullaev (85), S.Nematov (90) - Merzlyakov (24), D.Hoshimov (48), B. Miladinovich (52), A.Lobanov (70), SH. Karimov (75).
Chetlatish: Miladinovich (81).

Narzulla Saydullaev.

"Nasaf" kubok finaliga qanday etib keldi?