Jamoa azolari kuniga ikki mahal mashg'ulotlarni o'z qarorgohlari va “Markaziy” stadion qoshidagi mashg'ulot maydonlarida o'tkazishmoqda. Jamoa tarkibidagi o'zgarishlarga to'xtaladigan bo'lsak, o'tgan yilgi tarkibdagi deyarli barcha futbolchilari mashg'ulotlarda harakat qilishmoqda. Faqatgina Igor Taran jamoa bilan rasman xayrlashdi. O'tgan yili “Andijon” sharafini himoya qilgan Bahrom Abduraximov jamoa mashg'ulotlarida ishtirok etmoqda. Jamoa sardori va etakchisi Artur Gevorkyan va yangi mavsumda jamoamiz sharafini himoya qiladigan Oleksandr Kablash ertaga jamoa safiga kelib qo'shilishadi.

“Nasaf”chilar 18 yanvarga qadar mashg'ulotlarni Qarshi shahrida o'tkazishadi. Bu orada 10 va 18 yanvar kunlari ikkita nazorat uchrashuvida maydonga chiqishadi. 22 yanvardan jamoamiz tayyorgarlikni uchinchi bosqichini o'tkazish uchun Turkiyada tashkil etiladigan uch haftalik o'quv-yig'in mashg'ulotlarida ishtirok etishadi.

“Nasaf” mashg'ulotlarni davom ettirmoqda