Ўзингизга маълум, "Насаф" 30 январь куни ўз майдонида ОЧЛ-2018 плей-офф босқичи доирасидаги учрашувни Иорданиянинг “Ал Файсали” клубига қарши ўтказади. Ўйин соат 16:00да бошланади.

“Аждарлар”нинг плей-офф учрашувида ўйиндан олдинги ва ўйиндан кейинги матбуот анжуманларида қатнашиш, ишлаш учун қулай бўлган медиа трибунадан фойдаланиш, журналистлар учун барча қулай шароитларга эга бўлган матбуот марказидан фойдаланиш, ҳар иккала жамоа футболчилари билан суҳбатлашиш учун ажратилган микст – зонадан фойдаланиш, майдон четида туриб ўйин жараёнини фото тасвирга олиш учун берадиган рухсатнома карточкаларни олиш учун аризалар 27 январь кунигача қабул қилинади.

Бунинг учун оммавий ахборот воситалари ходимлари, “Насаф” ПФКга ўз ташкилотлари раҳбарлари номидан расмий хат, 3Х4 ҳажмдаги фотосурат ва паспорт нусхаларини фақат электрон шаклда жўнатишлари сўралади.

Ушбу ҳужжатлар клубнинг nasaf.media@mail.ru электрон почта манзили орқали қабул қилинади. Қўшимча маълумотлар учун телефон: +998909982880.

Аккредитациядан ўтказилган ОАВ вакиларрига тайёр аккредитация карточкалари 28-29 январь кунлари “Марказий” стадионда тарқатилади.

“Насаф” ОЧЛ-2018 аккредитация ҳужжатларини фақат электрон шаклда қабул қилади