O'zimizni futbolni sog'ingan futbol ishqibozlari uchun bu quvonarli voqeadir. Yurtimiz futbol ishqibozlari o'z sevikli jamoalarini qo'llab-quvvatlash uchun stadionga oshiqishadi.

Qarshi shahrida esa katta futbol bayrami davom etadi, 6 mart kuni “Nasaf” jamoasi o'z maydonida vohamizning oliy ligadagi yana bir vakili G'uzorning “Sho'rtan” jamoasini o'z maydonida qabul qiladi.

Va nihoyat, shu kuni “Nasaf” safiga joriy mavsumdan kelib qo'shilgan chernogoriyalik legioner futbolchi -Deyan Bolevichni o'yiniga guvoh bo'lishlari mumkin. Ro'ziqul Berdievning jamoaga o'yinchi tanlashda adashmasligini hisobga olsak, bu o'yinchidan ko'p syurprizlar kutish mumkin.

“Nasaf” va “Sho'rtan” jamoalari o'rtasidagi uchrashuvni bevosita stadionda tomosha qilishni rejalayotgan muxlislar ertadan yani 5 mart shanba kunidan “Markaziy” stadion qoshidagi kassalardan chipta xarid qilishlari mumkin.

Shuni alohida takidlashni hohlardikki, o'tgan “Nasaf”-“Al-Ahli” uchrashuvida qalbaki chiptalar bilan stadionga kelgan muxlislar ham aniqlangan. Shuning uchun o'yinga chiptalarni faqat stadion kassalaridan xarid qilishingizni so'raymiz. Chunki, shaharning boshqa joylarida chiptalar sotuvi tashkil etilmaydi. Boshqa joyda xarid qilgan chiptalaringiz qalbaki bo'lishi mumkin, ehtiyot bo'ling.

Eslatib o'tamiz, Oliy liga -2016, 1-tur doirasidagi “Nasaf” – “Sho'rtan” uchrashuvi 6 mart yakshanba kuni soat 17:00da boshlanadi.

“Nasaf” – “Sho'rtan” uchrashuvi chiptalari ertadan sotuvda