Bugun Elit Osiyo Chempionlar ligasi 4-turidan o'rin olgan "Nasaf" – "Al Vahda" uchrashuvi bo'lib o'tadi.

Jamoalar shu paytga qadar atigi bir marotaba to'qnash kelgan. 2001/02 yilgi Osiyo klublar chempionatining chorak finali mintaqalarga ajratilgan holda guruh bosqichi tizimida o'tkazilgan.

G'arbiy mintaqa guruhining 3-turida ikki jamoa o'zaro to'qnash kelgan. Uchrashuvning 1-daqiqasidayoq amirliklar Al Enazining goli evaziga hisobda oldinga chiqib olgan. Ammo bo'lim yakunida qarshiliklar ustunlikni o'z tomoniga og'dirgan. Dastlab 41-daqiqada Abdulaziz Muhammad o'z darvozasiga to'p kiritib qo'ygan bo'lsa, 45-daqiqada No'mon Hasanov g'alaba goliga mualliflik qilgan – 2:1.

Mazkur g'alaba "Istiqlol" (Eron) va "Al Kuvayt" (Kuvayt) bilan bir guruhdan o'rin olgan "Nasaf"ning 2-o'rin bilan yarim finalga yo'l olishiga hissa qo'shdi.

Ammo "Nasaf" yarim finalda Koreyaning "Suvon Samsung", 3-o'rin uchun bellashuvda esa Eronning "Istiqlol" klubiga imkoniyatni boy berdi.

"Nasaf"ning "Al Vahda"ga qarshi yagona o'yinida qanday hisob qayd etilgan?