Xabaringiz bor, “Navbahor” har yili yangi mavsum oldidan taqdimot marosimini o'tkazadi. Bu yilgi marosim esa 4 mart, payshanba kuni bo'lib o'tadi.

Mazkur tadbir har yili Namangan shahridagi “Navbahor” uy uchrashuvlarini o'tkazadigan “Markaziy” o'yingoh foyesida o'tkazilardi.

Bu yil esa klub rahbariyati tashabbusi bilan marosim stadion sektorida bo'lib o'tadi. Tadbirda jamoamiz tarkibiga yangi qo'shilgan futbolchilarni tanishtirish, shuningdek, jamoaning mavsum davomida foydalanadigan futbolkalari taqdimoti o'tkaziladi.

4 mart kuni soat 16:00da boshlanadigan marosimga barcha ommaviy axborot vositalari vakillari, jurnalist va blogerlarni taklif etamiz!

“Navbahor” PFK matbuot xizmati.

Reklama

"Navbahor" 4 mart kuni yangi futbolchilarni tanishtiradi