Ushbu uchrashuvda murabbiylar ko'rikdan o'tish uchun taklif etilgan ukrainalik hujumchi Aleksandr Kablashni maydonda sinab ko'rishadi. Sal avvalroq "Navbahor" yig'inlariga qo'shilgan boshqa legioner Ruslan Kachur "Gelios" jamoasida Koblash bilan birga o'ynaganini etirof etish joiz. Etiboringizga ukrainalik forvardga oid malumotni taqdim etamiz.

Kablash Aleksandr Gennadievich
Tug'ilgan sanasi: 4 sentyabr 1989 yil (24 yosh)
Bo'yi: 184 sm
Vazni: 74 kg
Fuqaroligi: Ukraina
Amplua: Hujumchi
So'nggi jamoasi: "Gelios"

Aleksandr Kablash Chernomorec klubi tarbiyalanuvchisi sanaladi. 2006 yilda u odessaliklar tarkibida Ukraina chempionatida debyutini nishonlagan. Bungacha Aleksandr faqatgina shaxar xavaskor klublari Signal va Chernomorec-2da o'ynagan. "Dengizchilar" asosiy tarkibida Kablash kam maydonga tushirilgan. U asosan o'rinbosarlar safida harakat qilgan (24 o'yinda 7 gol). 2007/08 mavsumda Aleksandr Birinchi liga vakili Mariupolning Ilchevec jamoasiga ko'chib o'tdi. Murabbiy Semen Altman boshchiligida futbolchi 7 o'yin o'tkazdi va so'ngra Chernomorec yoshlari tarkibiga qaytdi.

2008-2010 yillar davomida o'yinchi Dnestr sharafini himoya qilib keldi. Jami ushbu jamoada 43 o'yinda maydonga tushib, o'z nomiga 8 gol yozdirib qo'yishga muvaffaq bo'ldi. 2010- yil yozda Litvaning Ekranas klubiga ko'chib o'tib, mamlakat chempioniga aylangan. U erda futbolchi 9 o'yinda qatnashgan. 2011 yil mart oyida Kablash Ukrainaga qaytib, Simferopolning Tavriya jamoasi bilan bitim imzoladi va 5 o'yinda bitta gol urishga erishdi. Avgust oyida Aleksandr Bukovina klubiga ijaraga berildi. 2012 yil sentyabridan boshlab u Odessa o'yinchisi sanalgan. 2013- yilda Nikolaevda faoliyat olib borib, 2014 yil boshida Kablash Xarkovning Gelios klubi bilan hamkorlikka erishdi.

2005 yilda Aleksandr Kablash Ukraina yoshlar terma jamoasi (U-17)da 1 o'yin o'tkazgan. 2007-08 yillar mobaynida 19 yoshgacha bo'lgan futbolchilardan tashkil topgan terma jamoada 7 o'yin o'tkazgan.

Futbolchi statistikasi:
Mamlakat Musobaqa Mavsum Jamoa O'yin Gol Ogohlantirish
Ukraina Birinchi liga 2009-10 "Odessa" 29 (1778 daq) 7 5
Litva Oliy liga 2010 "Ekranas" 9 (185 daq) 0 0
Ukraina Premer-liga 2010-11 "Tavriya" 5 (150 daq) 1 0
Ukraina Birinchi liga 2011-12 "Bukovina" 3 (90 daq) 0 0
Ukraina Birinchi liga 2012-13 "Odessa" 5 (297 daq) 1 0
Ukraina Birinchi liga 2012-13 "Nikolaev" 12 (989 daq) 4 1
Ukraina Birinchi liga 2013-14 "Nikolaev" 16 (774 daq) 3 4
Ukraina Birinchi liga 2013-14 "Gelios" 4 (96 daq) 0 1
Faoliyatidagi umumiy ko'rsatgichi: 83 o'yin (4359 daq) 16 gol

"Navbahor": Aleksandr Kablash to'g'risida malumot