Eng kam: "Navbahor" - "Bunyodkor" uchrashuvidan so'ng toshkentliklar eng kam gol o'tkazib yuborayotgan jamoaga aylanishdi. "Qaldirg'ochlar" darvozasi hozirgacha 12 marotaba ishg'ol etilgan xolos. Bu eng yaxshi ko'rsatkich bo'lib turibdi.

1- "Bunyodkor" yarim himoyachisi Minori Sato joriy mavsumda uchrashuvning 87- daqiqasida gol urgan birinchi o'yinchiga aylandi. "Qizilqum" - "Nasaf" o'yinida ham 87- daqiqada Alisher Holiqov penaltidan gol urdi. Ammo, "Navbahor" - "Bunyodkor" o'yini ertaroq boshlangan.

2- Ilgiz Tantashev amaldagi mavsumda boshqargan ikkinchi o'yinda ham mag'lubiyatga uchradik. Shuningdek "lochinlar" mamlakat chempionati bu yilgi mavsumida o'z maydonida ikkinchi bor mag'lubiyatga uchrashdi. Shu bilan birga "Navbahor" ketma-ket ikkinchi mag'lubiyatni tan oldi va qatorasiga ikkinchi o'yinda maydonni futbolchilarimiz golsiz tark etishdi.

3- "Navbahor" bu yil uchinchi bor 1:0 hisobida raqibga imkoniyatni boy berdi. Avval "Paxtakor" (7- tur) va "Neftchi"ga (3- tur) ham xuddi shu hisobda mag'lub bo'lingan. Jamoamiz "Bunyodkor"ga qarshi ketma-ket uchinchi yil o'z maydonida gol ura olmadi.

4- To'rtinchi bor uy uchrashuvimizga chempionatda etti mingdan ortiq tomoshabin kirdi. Azim Ahmedov va Otabek Valijonovlarning chempionatdagi sariq kartochkalari soni to'rttaga etdi.

5- O'zaro uchrashuvlar tarixida "Bunyodkor" "Navbahor" maydonida beshinchi bor uch ochkoga ega bo'ldi.

6- "Bunyodkor"ning mehmonda qo'lga kiritgan g'alabalari soni oltitaga etdi.

7- Akmal Ortiqov chempionatda o'z darvozasidan ettinchi bor to'p olib chiqdi.

9- Ushbu o'yindan so'ng mag'lubiyatlarimiz soni to'qqiztaga etdi. Shuningdek musobaqa jadvalida ham to'qqizinchi uringa tushdik. Bu o'yin bosh hakam Ilgiz Tantashev uchun chempionatdagi boshqargan 9- bellashuv bo'ldi.

11- "Bunyodkor" mehmonda urilgan gollari sonini bu yilgi chempionatda 11 taga etkazdi.

12- O'z maydonimizda oliy liga amaldagi mavsumida 12- golni o'tkazib yubordik.

13- "Qaldirg'ochlar"ning chempionatdagi g'alabalari soni 13- taga etdi.

14- O'zaro o'yinlarda "Bunyodkor" 14- marotaba "Navbahor" ustidan g'alaba qozondi.

"Navbahor" - "Bunyodkor" uchrashuviga oid faktlar