Birinchi bo'limning dastlabki 10 daqiqasi yoshlarimiz ustunligida o'tdi. Ammo keyinchalik asta-sekin mehmonlar ham Parvanov qo'riqlagan darvoza oldida xavfli vaziyatlarni yaratishni boshlashdi. Jumladan Damir Nizamovning kuchli zarbasini darvozabonimiza qaytarishga muvaffaq bo'ldi. Birozdan so'ng farg'onalik yoshlarning chap qanotldan tashkil qilgan hujumini va jarima zarbasini ham darvozabon to'xtatganini etirof etish lozim. Bo'lim o'rtalariga kelib to'la ustunlik yoshlarimiz tomonga o'tdi. Abbosov va Abduqodirovlar uchrashuvda hisobni ochishga yaqin kelishgandi, ammo omad ulardan yuz o'girgani bois gol bo'lmadi. Tanaffusga chiqishdan oldin ham vakillarimizda ikkita yaxshi imkoniyat bo'ldi. Lekin tanaffusga qadar darvozalar daxlsizligi saqlanib qolindi.
Ikkinchi bo'limda murabbiylarimizning tarkibda amalga oshirgan o'zgarishlari o'z samarasini keltirdi. Zaxiradan maydonga tushirilgan Vladislav Nuriev 62- daqiqada o'ng qanotdan jarima maydoniga kirib "Neftchi" darvozasini ishg'ol qildi. Hujumchimizning o'zi qo'shib berilgan daqiqalarda raqib himoyachilari va darvozabonini aldab chiroyli tarzda o'z nomiga ikkinchi golni ham yozdirib, uchrashuvda yakuniy hisobni o'rnatdi. Shu tariqa "kichik derbi"da yoshlarimizning qo'li baland keldi.

"Navbahor" - "Neftchi" - 2:0 (0:0). 7 avgust. Namangan. "Markaziy" o'yingoh.
Hakamlar: A. Shukurullaev, I. Nosirov, A. Jabborov, A. Rajabboev.
Nazoratchi - B. Tog'aev.
"Navbahor": 34. Artur Parvanov, 2. Aziz Mamazoitov, 5. Hojiakbar Yunusov, 8. Bosit Rahimov (4. Bilol Sharofiddinov, 54), 9. Islom Isoqjonov (14. Vladislav Nuriev, 46), 11. Islom Abduqodirov (7. Axmadjon Mamadaliev, 59), 15. Javohir Olimjonov, 17. Aziz Turg'unboev, 18. G'olibbek Karimov, 19. Shoxjahon Abbosov (6. Akbarali Xoldorov, 69), 20. G'ayrat Jo'raev (72. Xusanxon G'aniev, 79).
"Neftchi": 30. Sergey Smorodin, 9. Abdurahmon Abdulxaqov, 10. Xurshid Asqaraliev, 11. Ibrohim No'monov, 22. Islom Toshpo'latov (17. Elomon Karimov, 64), 24. Xusanboy G'aniev, 28. Abdujalil Isroilov, 29. Azam Xolmatov (18. Shodiyor Xojimatov, 46), 32. Mirjamol Nematov, 88. Damir Nizamov (14. Anvar Abdulxakov, 71), 90. Anvar Alijonov (7. Sarvar Abdullaev, 84).
Gollar: V. Nuriev (62, 90+4).
Ogohlantirishlar: J. Olimjonov (16), I. Isoqjonov (32) - X. G'aniev (60).

"Navbahor": "Kichik derbi"da yoshlarimiz g'olib