"Навбаҳор" ўз майдонида "Металлург" билан куч синашади. Намангандаги марказий стадионда кечадиган баҳс 18:40да бошланади. Қуйида ўйинга доир маълумотларни келтириб ўтамиз.

"Навбаҳор"

- "Навбаҳор" турнир жадвалида 12 очко билан 6-ўринни эгаллаб турибди. Тўплар нисбати 14-10.

- "Навбаҳор" уй мақомидаги ўйинларда шу пайтгача 4та учрашув ўтказиб, шундан иккитасида ғолиб чиққан.

- Бу жамоа қаторасига беш ўйиндан бери мағлуб бўлмаяпти: уч ғалаба ва икки дуранг.

- "Навбаҳор" Намангандаги стадионда икки бор майдонга тушиб, иккаласини ҳам ғалаба билан тугатди.

- Андрей Канчельскис шогирдлари бунгача ўз уйларида "Сурхон"ни 3:0 ва "Сўғдиёна"ни 3:1 ҳисобида мағлуб этишди.

- "Навбаҳор" шу пайтгача "Металлург"га қарши 44та ўйин ўтказиб, шундан 20тасида ғолиб чиққан.

"Металлург"

- Бекобод клуби турнир жадвалида 11 очко билан 8-ўринда бормоқда. Тўплар нисбати 13-9.

- "Металлург"нинг сафарда ҳозирча ишлари юришаётгани йўқ. Негаки жамоа тўртта ўйин ўтказган бўлса, шундан учтасида мағлубиятга учраб, бир марта дуранг қайд этган.

- "Металлург" охирги икки турдан бери ғалаба қозона олмаяпти: бекободликлар ҳисобида биттадан дуранг ва мағлубият бор.

- "Металлург" охирги учта сафар учрашувининг ҳаммасида имкониятни бой берди. Жамоа "Динамо", "Сўғдиёна" ва "Пахтакор"га қарши баҳсларда ютқазиб қайтди.

- "Металлург" шу пайтгача "Навбаҳор"га қарши 44та ўйин ўтказиб, шундан 12тасида ғалабага эришган.

Охирги 5 ўйин

2018 йил. Иккинчи босқич. "Навбаҳор" - "Металлург" 0:0

2018 йил. Биринчи босқич. "Навбаҳор" - "Металлург" 3:0

2017 йил. "Навбаҳор" - "Металлург" 2:1

2016 йил. "Навбаҳор" - "Металлург" 0:1

2015 йил. "Навбаҳор" - "Металлург" 2:2

Наманганда кечган охирги бешта учрашувнинг иккитасида "Навбаҳор" ғалаба қозонган. Яна икки ўйин дуранг натижа билан якун топган ва бир марта "Металлург" ғалаба қозонган. Охирги икки ўйиндан бери "Навбавҳор" бу рақибидан гол ўтказмаяпти.

"Навбаҳор" - "Металлург" ўйинига оид маълумотлар