Andrey Kanchelskis boshqaruvidagi “lochinlar” vodiy derbisi oldidan PRO-Liga vakili “Istiqlol” bilan kuch sinashdi.

Namangandagi “Markaziy” stadionda kechgan bahsda bosh murabbiy asosan kam o'yin amaliyotiga ega bo'layotgan futbolchilarga imkoniyat berdi.

Uchrashuvning birinchi bo'limida mezbonlar hisobni ochishga muvaffaq bo'ldi. “Navbahor”ning rossiyalik 26 yoshli legioneri Ruslan Bolov yaratilgan imkoniyatdan unumli foydalanib, mehmonlar posboni Xurshid Xodjaevni dog'da qoldirgan bo'lsa, ikkinchi bo'limning so'nggi daqiqalarida “Istiqlol” futbolchilari kambek qildi. Dastlab qanot yarim himoyachisi Rustam Abduhamidov hisobni tenglashtirgan bo'lsa, keyinchalik “Navbahor”ning sobiq hujumchisi Mo'ydin Mamazulunov ham muvaffaqiyat qozondi. Shu tariqa qiziqarli kechgan norasmiy derbisida farg'onaliklar irodali g'alabaga erishdi. Darvoqe, “Istiqlol” bosh murabbiyi Sergey Lebedev darvozabonlar o'rtasidagi raqobatni kuchaytirish maqsadida bungacha asosan Superliga klublarida o'ynab kelgan tajribali posbon Xurshid Xodjaevni jamoaga taklif etgan.

“Navbahor” tarkibiga esa yaqinda Samarqandning “Dinamo” jamoasidan Mirkomil Loqaev kelib qo'shilganini ko'rish mumkin.

10.03.2020 yil.
Nazorat uchrashuvi.
“Navbahor” – “Istiqlol” 1:2.
Gollar: Ruslan Bolov, 10 – 1:0. Rustam Abduhamidov, 86 – 1:1. Mo'ydin Mamazulunov, 90 – 1:2.
“Navbahor” : 23. Dilshod Hamroev, 2. Mirkomil Lokaev, 5. G'iyosjon Komilov, 8. Javlon Ibrohimov, 18. Sardor Telyakov, 20. Amirbek Jo'raboev, 33. Tohir Shamsitdinov, 70. Mirzohid Mirzamahmudov, 72. Pavel Golishev, 88. Ruslan Bolov, 94. Anvarjon Hojimirzaev.
Zaxiradan maydonga tushganlar: 4. Shahzodbek Hamidov, 6. Sodiqjon Ortiqov, 77. Husayn Ergashboev.
“Istiqlol”: 46. Xurshid Xodjaev, 5. Abduxoliq Qurbonov, 7. Umid Qodirov, 8 Sardor Sotvoldiev, 14. Rustam Abduhamidov, 19. Fayzullo Jumanqo'ziev, 20 Ulug'bek Xudoyberdiev, 44. Xushnud Bozorov, 78. Umar Adhamzoda, 99. Timur Mamatmurodov.
Zaxiradan maydonga tushganlar: Nodir Ashurmatov, Ahror O'ktamov, Mo'ydin Mamazulumov.

“Navbahor” nazorat uchrashuvida “Istiqlol”ga mag'lub bo'ldi