Breaking: Superligada ilk istefo "Navbahor"da kuzatildi

Joriy mavsumda o'z oldiga yuksak maqsadlar qo'ygan “Navbahor” 1-turda o'z maydonida “So'g'diyona”ga qarshi o'yindagi mag'lubiyatdan so'ng (0:1) jamoa rahbariyati jamoa murabbiylar shtabida o'zgarish qilishga qaror qildi. Klub rahbariyati qaroriga ko'ra, shu kungacha klubda maslahatchi – murabbiy sifatida faoliyat olib borgan tajribali mutaxassis Viktor Romanovich Jalilov “Navbahor”ga bosh murabbiy etib tayinlandi.

“Navbahor”ning yangi mavsum oldidan o'tkazgan taqdimot marosimida qiziq holat ro'y bergan edi. Tadbirda so'zga chiqqan “Navbahor”ning endilikdagi sobiq murabbiyi No'mon Hasanov “Meni uslubimni bilasizlar, shu boisdan ham “Navbahor” bu yil “Barselona” bo'ladi”, - degan edi. Shundan so'ng mikrafonni qo'lga olgan Namangan viloyati hokimi Shavkatjon Abdurazzoqov shunday dedi: “Aziz muxlislar, ochig'ini aytib qo'yay. Hasanov bunday gaplari bilan uzoqqa bormaydi, men “realchiman”.

O'zbekiston Superligasidagi ilk istefodan so'ng ijtimoiy tarmoqlarda ko'plab fikr-mulohozalar yangradi. Jumladan Tvitter tarmog'ida foydalanuvchilar ushbu holatga o'z fikrini yozib qoldirdi. Biz esa ushbu tvitlardan eng saralarini yig'ib chiqdik.

Chindan ham qiziq holat:

[instagram]

Qiziq. 1-turdagi mag'lubiyat uchun N.Hasanov Navbahordan istefoga chiqarilibdi. Hokimbuva aytganidek, Barsa uslubida ishlaydigan murabbiy 2-turgayam etib bormadi ))))
— Ulug'bek (@Ulugbeksh) March 12, 2021

[/instagram]

Namanganning bosh jamoasi uchun yangi murabbiy tayinlandi. Buyog'iga nima bo'ladi endi? Taqvimni bilasizmi?
[instagram] Buyog'ini kuzatamiz. Jamoa moboda 2-turda Lokomotivdan mag'lub bo'lsa yana murabbiy o'zgartiradimi? 3-turda Nasaf, 4-turda AGMK, 5-turda Paxtakor bilan o'yinlarda ijobiy natija qayd etilmasachi? Shuncha murabbiy topilarmikan ishqilib ))) — Ulug'bek (@Ulugbeksh) March 12, 2021 [/instagram]

Chempionat boshlanishidan avval 3 oy davomida jamoani tayyorlagan murabbiy birinchi mag'lubiyatdanoq istefoga chiqarildi:
[instagram] Viktor Jalilov - Navbahor bosh murabbiyi! Uch oy No'mon Hasanov tayyorladi, xorijiy yig'in, tarkibni tanladi. Birinchi mag'lubiyatdanoq istefo. Direktorlar kengashi yo'q, faqat bitta hokimga qolgan futbolning bo'lishi shu. — Usmon (@Usmon_IX) March 12, 2021 [/instagram]

Izohsiz:
[instagram] Navbaxor - ty kosmos! https://t.co/kvNWZwKBj3 — Shef (@Shef_uz) March 12, 2021 [/instagram]

Muxlis tomonidan yangi murabbiyning “Navbahor”ga tayinlanishi haqidagi fikri:
[instagram] Navbahor klubi No'mon Hasanovni istefoga chiqarib to'g'ri qilgan bo'lsa, Jalilovni bosh murabbiy etib tayinlab xato qilibdi. — Darvesh (@_Darvesh_) March 12, 2021 [/instagram]

“Real Madrid” bir gol farqi bilan “oldinda”:

[instagram]

Real - Barsa 1:0))) https://t.co/5aTWGvjFYb
— Khudaynazarov (@KhudaynazarovU) March 12, 2021

[/instagram]

Og'abek Samisov tayyorladi

“Navbahor” - ty kosmos" - "Navbahor"da murabbiy almashuvi haqida “Tvitter nima deydi?”