. O'tgan mavsumni "Navbahor"da o'tkazgan futbolchi etarlicha o'yin amaliyotiga ega bo'lmadi. Uzoqdan uriladigan chiroyli gollar muallifi Namanganda "yo'qolib" qoldi. Nurillo To'xtasinov bugundan "Neftchi" mashg'ulotlarida astoydil mehnat qilmoqda. Mashg'ulotlar yakuniga etgach uning fikrlarini tingladik.

"Lutfulla To'raev "Neftchi"da qoladi" - "Neftchi"ning bugungi mashg'ulotidan reportaj+Vitaliy Levchenko bilan intervyu

- O'tgan mavsumdan qanday xulosalar oldingiz? Chunki "Bunyodkor"dan ajoyib sport formasida ketib "Navbahor"da o'z darajangizni tushirib yubordingiz...

- Har bir futbolchi o'ynashni istaydi. "Navbahor"da yaxshi mavsum o'tkazdim, deya olmayman. To'g'ri medallarga ega chiqdik. Ammo o'zimda o'yin amaliyoti kam bo'ldi. Hayot davom etadi. Endilikda yanada yaxshi ishlab oldingidek gollar urishga harakat qilaman. Umid qilamanki, "Neftchi"da o'zimni ko'rsata olaman.

- Nurillo To'xtasinov Namanganda raqobatda yutqazdimi yoki boshqa sabablar bormi? Chunki poziciyangizda kuchli futbolchilar ko'p edi. Tashqaridan qaraganda shunday taassurot qoldirdi...

- Raqobatdan hech qachon qo'rqmaganman. Raqobat bo'lsagina futbolchi o'sadi. Jamoa oldinga siljiydi. "Navbahor"ga kuchli futbolchilar keldi. Ikkinchi davrada nima uchun o'ynamaganimni o'zim ham ochig'i bilmayman. Mashg'ulotlarda astoydil ter to'kdim. O'tgan mavsum ortda qoldi. Endilikda yangi marra sari intilamiz.

- Xorijga ketishingiz kutilgandi. O'sha pallada statistikangiz, o'yinlaringiz ayni yuqori pallaga chiqib bo'lgandi. O'zbekiston chempionatida bir joyda qotib qolishdan qo'rqmaysizmi?

- Albatta, xorijdan takliflar kelib tushdi. Ammo bu paytda "Navbahor" yaxshi chorlov bilan chiqdi. Futbolda oldindan biror narsani ayta olmaysiz. Ertaga nima bo'lishini bilmaysiz. Xudo xohlasa o'z o'yinlarim bilan muxlislarni xursand qilishga intilaman.

- Vitaliy Levchenko bilan maqsadlar, nima kutayotganini barchasini gaplashib oldingizmi?

- "Neftchi"da yaxshi jamoa shakllangan. Yangi mavsumda maqsadlarimiz ulkan. Birinchi navbatda har bir uchrashuvda ishqibozlarni xursand qiladigan natija qayd etishimiz zarur. Vitaliy Grigorevich bilan gaplashib oldik. Jamoaga moslashib olish biroz vaqt kerak. Vaqt o'tgani sari bari iziga tushib boraveradi.

- Faoliyatingiz davomida birgina oltin medal etishmayapti...

- "Neftchi" bilan medallar uchun kurashamiz. Mavsum oxirida qilgan ishlarimiz samarasi ko'rinadi.

"Navbahor"da ikkinchi davrada nima uchun o'ynamaganimni o'zim ham bilmayman. "Neftchi" bilan ham medallarga harakat qilamiz" - Nurillo To'xtasinov