Tan olish kerakki, so'nggi yillarda Navro'z Alimovning faoliyatida sezilarli pasayish yuzaga keldi. O'z vaqtida milliy terma jamoa yig'inlariga tez-tez taklif olib turgan 24 yoshli futbolchi joriy mavsumni avvaliga “Qo'qon-1912” tarkibida boshlagandi. Ammo u birinchi davrada 8ta uchrashuvda ishtirok etib, umumiy hisobda 405 daqiqa maydonda xarakat qildi xolos. Etiborlisi hujumchi chempionat doirasida o'tkazgan uchrashuvlarida birorta ham gol urmagan.

Davralar oralig'ida qo'qonliklar bilan hamkorlikni to'xtgan Alimov oliy liganing hech bir klubida ko'rinish bermadi. Yaqinda uni birinchi liga ishtirokchisi Nukusning “Orol” tarkibida maydonga tushganini uchratib qoldik. Balki Navro'z joriy mavsumni birinchi liga jamoasida yakunlab, kelgusi yil oliy ligaga qaytishni maqsad qilgandir.

Navro'z Alimov “Orol”ga o'tdi