Yangi futbol mavsumiga tayyorgarlikning navbatdagi bosqichi yana Toshkent shahriga ko'chiriladi. Jamoa azolari 8 fevral sanasidan boshlab o'quv-yig'in mashg'ulotlariga kirishadilar. Poytaxtdagi yig'in davomida futbolchilarning jismoniy imkoniyatlarini oshirish bilan birgalikda jamoa tarkibini shakllantirish borasida ham ishlar olib boriladi.

Xabaringiz bor,"Hokim Kubogi-2021" musobaqasi davomida jamoaga bir qator legioner futbolchilar taklif etilgan bo'lib, murabbiylar shtabi ularni turnir orqali ko'rikdan o'tkazishga harakat qildilar. Jumladan, serbiyalik Darko Stanoevich (kattasi)va Darko Stanoevich ( kichigi)lar murabbiylar shtabida iliq taassurot uyg'otgan va ular keyingi tayyorgarlik jarayonida ishtirok etishadi. Yana bir serbiyalik legioner hujumchi Nemanya Obradovichning harakatlari esa murabbiylarga maqul kelmaganligi bois, har ikkala tomonlarning roziligi orqali u bilan ilgari tuzilgan shartnoma bekor qilindi va serbiyalik hujumchi o'z yurtiga jo'nab ketdi. Shundan kelib chiqib, tarkibni to'liq shakllantirish borasidagi selekciya ishlari davom ettiriladi va yig'inga bir qator futbolchilarning kelib, ko'rikdan o'tishlari belgilangan.

Jamoaning Toshkentdagi tayyorgarlik bosqichi davomida murabbiylar shtabi 4 ta nazorat uchrashuvi o'tkazish bo'yicha reja tuzishgan.

"Neftchi" 26 yanvar kuni shartnoma tuzgan futbolchi bilan xayrlashdi