Bunyodkor (Toshkent) – Neftchi (Farg'ona) 1:1
Hakamlar: M. Muhamedov (Toshkent viloyati), M. Majidov (Namangan), R. Fozilov (Namangan), D. Karimov (Toshkent)
Nazoratchi: B. Galeev (Urganch).

Gollar: Temur Ayupov (83, assistent- Karles Koto) - Murodbek Bobojonov 90

"Bunyodkor": 1.Pavel Bugalov, 2.Akmal Shorahmedov, 4.Xayrulla Karimov (S), 5.Dilshod Jo'raev, 6.Anvar G'ofurov, 7.Alibobo Rahmatullaev (Sardor Rashidov, 65), 10.Anvar Berdiev (Temur Ayupov, 57), 11.Oleksandr Pishur, 15.Islom Inomov, 23.Sahob Jo'raev, 33.Oleg Zoteev (Karles Koto, 77).
Zaxira: 25.Murod Zuhurov, 14.Vohid Shodiev, 16.Karles Koto, 18.Bobur Akbarov, 21.Sardor Rashidov, 27.Sardor Sobirxo'jaev, 54.Timur Ayupov.

"Neftchi": 21.G'ayratjon Hasanov (S), 5.Iqboljon Boboxonov, 7.Aleksandru Onika (Nosir Otaqo'ziev, 80), 9.Pavel Smolyachenko (Otabek Zokirov, 68), 14.Javohir Rasulov, 20.Dilyorbek Ermatov, 22.Ro'zimboy Ahmedov, 28.Abdulloh Olimov, 32.Jahongir Mehmonov, 77.Levani Gvazava (Murodbek Bobojonov, 86).
Zaxira: 16.Abdumavlon Abdujalilov, 4.Jahongir Jiyamurodov, 11.Nosir Otaqo'ziev, 13.Aleksandr Kleckov, 30.Otabek Zokirov, 33.Murod Bobojonov, 70.Izzat G'aniev.

Ogohlantirishlar: Sahob Jo'raev (12), Smolyachenko (32), Akmal Shorahmedov (71), G'ayrat Hasanov (73)

MATNLI TRANSLYACIYA
YANGILASH

90+3. O'yin tugadi. Barchaga rahmat.

90+1` GOOOOOOOOOOOOOOOOOOOOL! 1:1! Murodbek Bobojonov!

90` Pavel Bugalo o'z o'rnida!

89` "Neftchi" burchak to'pi ishlab oldi. So'nggi imkoniyatlaridan biri...

88` Karles Kotoning zarbasini G'ayrat Hasanov ushlab oldi.

87` "Neftchi" himoyaga yotib oldi va bu ularga qimmatga tushdi. Futbolda hujumlarni ham tashkil etib turish kerak...

86` "Neftchi" tarkibida o'zgarish: Gvazava o'rniga Murodbek Bobojonov tushdi.

86` O'yin ancha jonlandi.

85` "Neftchi" ham tezda hujum tashkil qildi. Lekin Nosir Otaqo'ziev qulay imkoniyatdan foydlana bilmadi.

83` GOOOOOOOOOOOOOOOOOOL! Temur Ayupov! "Bunyodkor" nihoyat o'z maqsadiga erishdi! Temur Ayupov hujumchiga xos tarzda harakat qilib, bir harakati bilan raqib himoyachini chalg'itdi va aniq zarba yo'llab, hisobni ochdi, - 1:0!

81` Aleksandr Pishurning zarbasi noaniq ko'rinish oldi.

80` "Neftchi" tarkibida o'zgarish: Aleksandr Onika o'z o'rnini Nosib Otaqzo'ievga bo'shatib berdi.

79` "Neftchi" yaxshi hujum tashkil etdi. Lekin so'nggi soniyada ularga aniqlik etishmadi.

77` Oleg Zoteev o'rniga Karles Koto maydonga tushdi.

75` "Bunyodkor" navbatdagi burchak to'pini amalga oshirdi. Lekin bundan samara chiqmadi.

74` O'yinda kichik to'xtalish.

73` G'ayrat Hasanov to'pni o'yinga kiritish vaqtini chuzgani uchun sariq kartochka ishlab oldi.

71` Akmal Shorahmedov qo'pol harakati uchun ogohlantirish oldi.

69` "Bunyodkor" bu o'yini bilan bugun qimmatli ochkolarni boy berishi mumkin. "Neftchi" esa ochko bilan qaytishga yaqin...

68` "Neftchi" tarkibida o'zgarish: Pavel Smolyachenko o'z o'rnini Otabek Zokirovga bo'shatib berdi.

67` Sardor Rashidov "qaldirg'ochlar" o'yiniga chiroy va shiddat olib kirishi mumkin. Agarda u o'zining to'liq imkoniyatlarini ishga sola olsa...

65` "Bunyodkor" tarkibida yana o'zgarish. Alibobo Rahmatullaev o'rniga, Sardor Rashidov maydonga tushdi.

63` O'yin shuni ko'rsatmoqdaki, shu zerikarli o'yin bilan ham "Neftchi" uyiga ochko bilan qaytishi mumkin. Nechi ochko bilanligi esa ularni o'zlariga bog'liq. Bir aniq zarba va hammasi boshqacha bo'lishi mumkin.

60` Pavel Bugaloga bugun etarlicha ish topilmayapti.

59` Uchrashuvga shiddat qo'sha oladigan futbolchilar maydonga tushirilishi kerak. Temur Ayupovning debyuti omadli chiqqandi. Bu safargi harakatlarini kuzatamiz.

58` Sergey Lushanning debyuti omadli chiqadimi?

57` "Bunyodkor" safida o'zgarish: Anvar Berdiev o'rniga Temur Ayupov maydonga tushdi.

55` "Bunyodkor" jarima zarbasini amalga oshirdi. Ammo Raqib himoyachilar ushbu vaziyatda ham sergaklik bilan o'ynashdi va to'pni o'z jarima maydonchalari atrofidan uzoqlashtirishdi.

53` Har ikkala jamoa o'yinida ham rang-baranglik ko'zga tashlanmayapti...

51` Xayrulla Karimovning ishonchli harakati jamoasini xavfli vaziyatdan qutqarib qoldi. Karimov Gvazavada ajoyib tarzda to'pni olib qo'ydi.

50` Sergey Lushan futbolchilarga faollik bilan ko'rsatmalar berib turibdi...

49` Bir gal bu darvozabon, bir gal u darvozabon to'pni o'yinga kiritib berdi. Lekin aytarli hujumlardan darak yo'q. Futbolchilar oddiy vaziyatlarda xatoga yo'l qo'yishmoqda...

48` Maydon egalarining navbatdagi hujumi samarasiz yakunlandi. G'ayrat Hasanovni to'pni o'yinga kiritib beradi...

47` Bugun stadionga o'yinni tomosha qilish Farg'onadan ham bir guruh ishqibozlar tashrif buyurishgan. Ishqibozlarning umumiy soni esa 1000 tadan biroz ko'proq...

46` Ikkinchi bo'lim boshlandi!

45` Birinchi bo'lim tugadi. TANAFFUS!

45` "Neftchi" futbolchilari birinchi bo'lim so'nggida jarima zarbasi ishlab olishdi.

43` Anvar Berdiev yaxshi vaziyatga chiqib borgandi. Uning darvoza tomon yo'llagan zarbasiga himoyachi tug'anoq bo'ldi.

41` "Bunyodkor"ning hujumlarida biroz aniqlik etishmayapti. Sergey Lushanning o'ylab qo'ygan rejalari hozircha ish bermayapti.

39` Ro'zimboy Ahmedov "Bunyodkor" himoyachilariga etarlicha tashvish tug'dira olmayapti. To'pni ko'p yo'qotmoqda "Neftchi" hujumchisi.

37` O'yin asosan maydon markaziga ko'chdi.

35` "Neftchi" hozircha darvoza tomon birorta ham aniq zarba yo'llay olgani yo'q.

33` Maydonda futbolchilar bosh hakam bilan biroz tortishib qolishdi va o'yinda kichik uzilish.

32` Pavel Smolyachenko ogohlantirildi.

31` Eeeee, qoyil! G'ayrat Hasanovga yana bir bor tasanno! Bir daqiqa ichida ikkita "seyv"! Dilshod Jo'raevning kuchli zarbasi ham Hasanov darvozasiga kirib bormadi.

30` Hozircha mehmonlar tarkibida G'ayratjon Hasanov ajralib turibdi. Aynan shu posbonning ajoyib harakatlari "Neftchi"ni gollardan qutqarib turibdi.

28` "Neftchi"ning oldindagi ilk harakatlaridan biri. Lekin Pavel Smolyachenkoning osmon tomon yo'llagan kuchli zarbasi hammasini buzib qo'ydi.

26` Oleksandr Pishur va yana G'ayratjon Hasanov dueli! Pishurning boshi bilan bergan xavfli zarbasini G'ayratjon Hasanov mahorat ko'rsatib bartaraf etmoqda! Qoyil, Hasanov!

25` "Bunyodkor" burchak to'pi tepdi. Jarima maydonchasi ichiga etkazib berilgan to'pni Anvar Berdiev chalqancha uslubda darvoza tomon zarba berdi. Lekin G'ayratjon Hasanov bu vaziyatda ham aniqlik bilan harakat qildi.

23` "Bunyodkor"ning hujumlarini mehmonlar himoyasi hozircha bartaraf etmoqda. Himoya yaxshi. Lekin o'rta chiziq va hujumchilar maydonda "yo'qolib" qolishgandek. Ular ijrosidagi hech qanday o'ylangan hujum yoki kombinatciyalarni halicha ko'rmadik.

21` "Neftchi" futbolchilari burchak to'pidan naf chiqara olishmadi.

20` To'p nazorati yana mehmonlar tomoniga o'tdi. Mehmonlarning ilk burchak to'pi.

18` Uchrashuvdagi ilk o'ta xavfli vaziyat G'ayratjon Hasanovning ajoyib "seyv"i bilan esda qoldi!

16` UHHHH! Xavfli vaziyat! Pishur! G'ayrat Hasanov! Anvar Berdiev jarima maydonchasi ichiga turgan Pishurga to'pni etkazib berdi. Baland bo'yli Pishur boshi bilan darvozani nishonga oldi. Lekin yaqin masofadan berilgan zarbaga G'ayrat Hasanov juda ajoyib reakciyani ko'rsatib, benazir "seyv" ko'rsatdi! Balli, G'ayrat!

15` Uchrashuv tempini yuqori darajada deb bo'lmaydi.

13` "Bunyodkor" standart vaziyatidan samarali foydalana olmadi. "Neftchi" himoyachilari hozircha bexato o'ynashmoqda.

12` Sahob Jo'raev oddiy vaziyatda o'ziga sariq kartochka ishlab oldi.

11` Pavel Smolyachenko o'z jarima maydonchasi oldida Oleg Zoteevga nisbatan qo'pol o'ynadi. Hakam jarima zarbasi belgiladi.

10` O'yinda kichik ustunlik mezbonlar tarafida. Lekin hozircha aytarli xavfli vaziyatlar kuzatilmayapti.

8` Iqboljon Boboxonovning qo'pol xatosi jamoasi uchun qimmatga tushishi mumkin edi. Ammo to'p Pishurgacha etib kelmadi xavf bartaraf etildi.

7` Mezbonlarning uzoq o'ylagan rejalari amalga oshmadi. "Neftchi" himoyachilarining ishonchli harakati "qaldirg'ochlar" hujumini buzib qo'ydi.

5` To'p bilan ko'proq mehmonlar muomalada bo'lishmoqda. Lekin ish hujumlargacha etib bormayapti.

4` "Bunyodkor"ning ilk hujumi. Chap qanotdan tashkil etilgan ushbu hujumni Sahob Jo'raev o'zining kuchli zarbasi bilan yakunlamoqchi bo'ldi. Lekin mehmonlar posboni G'ayratjon Hasanov bu vaziyatda ishonchli harakat qildi.

2` To'p bilan mehmonlar muomalada bo'lishdi. Lekin ularni rejalashtirgan hujumlari amalga oshmadi.

1` O'yin boshlandi!

Uchrashuvni Shahboz Beg'amov matnli onlayn tarzda sharhlab boradi.

Bugun "Bunyodkor" ko'k, "Neftchi" esa oq liboslarda harakat qilishadi.

Jamoalar PFL madhiyasi sadolari ostida maydonga chiqib kelishmoqda.

- Uchrashuv soat 19:00da boshlanadi.

"Neftchi" "Bunyodkor" maydonidan bir ochko olib ketdi