Championat.asia saytining hakamlik faoliyati bo'yicha eksperti, rossiyalik sobiq hakam Anatoliy Sinyaev ("Alyo, ref!" Telegram kanali muallifi) va uning hakamlar jamoasi Superliganing 16-tur uchrashuvlaridagi bahsli vaziyatlarni tahlil qildi.

❌ "Neftchi" - "Bunyodkor"

Fikrimcha, hakam sariq kartochka ko'rsatish haqidagi qarorini o'z kuchida qoldirib, noto'g'ri yo'l tutgan. VAR vaziyatga to'g'ri aralashdi, hakam "Neftchi" jamoasi o'yinchisiga jiddiy qoidabuzarlik uchun qizil kartochka ko'rsatishi lozim edi. U raqib tomon oyog'ini baland ko'tarib, oyoq kaftini qayirib, butsasining tag qismini qurol sifatida ishlatdi va "Bunyodkor" o'yinchisi tezlikda darvoza tomon harakatlanayotganda uning tizza qismiga tegib ketdi. Bu jiddiy qoidabuzarlik bo'lib, jarohat etkazish xavfini tug'diradi.

BAHSLI VAZIYATNI TOMOSHA QILISH

✅ "Dinamo" - "Navbahor"

Gol to'g'ri holatda bekor qilindi: "Dinamo" o'yinchisi pas uzatilgan paytda himoyachilardan ko'ra darvoza chizig'iga yaqinroqda joylashgandi. Takidlash joizki, hakam yordamchisi to'g'ri yo'l tutib, hujumni davom ettirishga imkon berdi va epizod yakunlangach, o'yindan tashqari holatni qayd etish haqida qaror chiqardi.

BAHSLI VAZIYATNI TOMOSHA QILISH

✅ "Dinamo" - "Navbahor"

Hakamning "Navbahor" foydasiga penalti belgilashi va "Dinamo" o'yinchisiga sariq kartochka ko'rsatishini to'g'ri qaror deb hisoblayman, VAR ham o'rinli aralashgan. Himoyalanayotgan taraf azosi aniq-ravshan holatda qo'llari bilan raqibini ushlab qolgan, o'sha vaziyatda to'p ular turgan hudud tomon harakatlanayotgandi. Bu qisqa muddatli emas, balki uzoq davom etgan "to'xtatish" bo'lib, bunda ikki tomonlama kurash mavjud emas. "Dinamo" jamoasi o'yinchisi atayin orqa tarafdan raqibini ushlab qolgan. Yakuniy qaror to'g'ri qabul qilingan.

BAHSLI VAZIYATNI TOMOSHA QILISH

✅ "Dinamo" - "Navbahor"

Hakamning "Dinamo" foydasiga penalti belgilash qarorini qo'llab-quvvatlayman. Biroq, menimcha, VAR bu vaziyatga aralashmasligi kerak edi. Hakamning ideal joylashuvini alohida takidlash lozim - u epizodni aniq-ravshan ko'rdi. "Navbahor" himoyachisi raqibning harakat yo'nalishini orqadan aylanib o'tib, qo'llarini ishlatdi va shu bilan uning harakatlanishiga to'sqinlik qildi. To'g'ri, to'qnashu (kontakt) minimal ko'rinishga ega, ammo vaziyatda oyoq bilan ham ozgina tegish bo'lishi mumkin. "Dinamo" o'yinchisi poziciya uchun kurashda ustunlikka erishib, oldinga harakatlangan. Orqadagi himoyachi esa uning qo'lini chirmab, biroz orqaga tortadi va shu bilan hujumchining muvozanatini buzib, tezligini pasaytirgan.

BAHSLI VAZIYATNI TOMOSHA QILISH

✅ "Sho'rtan" - "Xorazm"

Epizodda "Xorazm" himoyachisining oyog'i ofsayd chizig'ida qolgani sababli, "Sho'rtan" hujumchisi to'g'ri holatdan yugurib chiqib ketishga muvaffaq bo'ldi. Hakam yordamchisining o'yindan tashqari holatni belgilamaslik haqidagi yaxshi va jasur qarorini alohida takidlab o'tmoqchiman.

BAHSLI VAZIYATNI TOMOSHA QILISH

✅ "Surxon" - "Qizilqum"

VARning qarori o'g'ri, eng muhimi, bosh hakamga vaziyat juda yaxshi ko'rsatib berildi. "Surxon" himoyachisi oyog'ini hujumchi oyog'ining yon tomoniga tashlagan, ammo ular orasida hech qanday to'qnashuv mavjud emas. "Qizilqum" o'yinchisi hakamni aldashga urinmoqda, shu bois, bu holat simulyaciya hisoblanadi. Penalti to'g'ri bekor qilindi, hujumchiga esa sariq kartochka ko'rsatilishi kerak edi.

BAHSLI VAZIYATNI TOMOSHA QILISH

❌ "Surxon" - "Qizilqum"

Bu holatda esa "Qizilqum" foydasiga penalti belgilanishi lozim edi. "Surxon" himoyachisining qo'li gavdasidan uzoqlashgan holda, tana maydonini kengaytirgan, shuningdek, to'p tomon harakat ham bo'lgan. Zarba berilgach, to'p qo'lga tegib, tezligi pasaygan va uchish yo'nalishi o'zgargan. VAR vaziyatga to'g'ri aralashgan, biroq bosh hakam negadir penalti belgilamaslikka qaror qilgan.

BAHSLI VAZIYATNI TOMOSHA QILISH

Shu tariqa, Superliganing 16-tur o'yinlarida hakamlar ikkita xatoga yo'l qo'yishgan.

"Neftchi" futbolchisini chetlatish, "Surxon" darvozasiga esa penalti belgilash kerak edi – 16-turdagi hakamlik faoliyati tahlili