Uchrashuv o'rtoqlik maqomida bo'lsa ham murosasiz va keskin kurashlarga boy tarzda o'tdi. Birinchi bo'limda bellashuvni tomosha qilish uchun stadionga tashrif buyurgan muxlislar jami 4 ta gol ko'rishga muvaffaq bo'ldilar. O'yinda hisobni “Neftchi“ vakillari ochishdi. Bu vaziyatda Sanjar Zokirovning uzoq masofadan kuchli zarba yo'llab, “Cementchi“ darvozasini ishg'ol etdi. Oradan ko'p vaqt o'tmay “Neftchi“ vakillari mezbonlar darvozasiga ikkinchi golni ham kiritdilar. Mehmonlarning ikkinchi goliga Ilhom Vahobov mualliflik qildi. Shundan so'ng “Cemenchi“ futbolchilari hujumkorlikni oshirdilar. Bo'lim so'ngiga qadar Sardor Zokirov shogirdlari o'yindagi hisobni tenglashtirishdi. Dastlab Faxriyor O'rinboev kuchli zarba bilan hisobni qisqartirgan bo'lsa, birinchi bo'lim so'ngi daqiqalarida Hoshim Shokirov gol urib hisobdagi muvozanatni tikladi - 2:2.

Ikkinchi bo'limda jamoalar tarkibida bir qator o'zgarishlar yuzaga keldi. Xususan “Neftchi“ ustozi Abdusamad Do'rmonov maydonga Otabek Zokirov va Dostonbek Toshmatovlarni tushirdi. O'zgarishlar samarasini bergan xolda mehmonlar futbolchisi Dostonbek Toshmatov ikkinchi bo'lim davomida “Cementchi“ darvozasiga ikkita gol kiritishga muvaffaq bo'ldi.

Do'stona ruhda kechgan uchrashuv “Neftchi“ jamoasining 4:2 hisobidagi g'alabasi bilan yakuniga etdi.

Nazorat uchrashuvi.

Quvasoy shahar “Cementchi“ o'yingohi.

“Cementchi“ - “Neftchi“ 2:4

Gollar: Sanjar Zokirov (0:1), Ilhom Vahobov (0:2), Faxriyor O'rinboev (1:2), Hoshim Shokirov (2:2), Doston Toshmatov (2:3), Doston Toshmatov (2:4)

“Neftchi“: Sherzod Abduraimov, Mirjamol Nematov, Dilyor Irmatov, Eldor Ergashev, Mansur Saidov, Jamshidbek To'raqulov, Islombek Karimov, Doniyor Madaminov, Jamshid Qobulov, Sanjar Zokirov, Ilhom Vahobov.

Zaxira: Farrux Turdialiev, Muxammadaziz Obidjonov, Otabek Zokirov, Dostonbek Toshmatov

Bekzod Tolibov tayyorladi

“Neftchi“ Quvasoyda “Cementchi“ bilan nazorat uchrashuvi o'tkazdi